zero media family planning adv

नेवातय् पाखें प्रधानमन्त्रीयात न्ह्यसः पौं छ्वःल

नेवा: अनलाइन न्युज – निश्चल | २०७७ फाल्गुण १०, सोमबार १९:१६:४८

नेवाःतय्गु थीथी मागयात कयाः नेवाः देय् दबूया संयोजनय् व नेवाः स्वायत राज्य मंकाः संघर्ष समितिया थीथी घटक पुचत मूना थौं सोमवाः येँ, यल, ख्वप व धौख्याया सिडिओ ज्याकूथि पाखें प्रधानमन्त्री केपी शर्मा ओलीयात न्ह्यसः पौं  छ्वःगु दु ।

थथे छ्वःगु ह्यसः पौंलय् न्यागू न्ह्यसः थथे न्यनातःगु दु – १) नेवाः भुमि, संस्कृति, सम्पदा व सभ्यता संरक्षण यायेत समुदायलिसे सहकार्य राज्यं यायेमाः, तर विदम्वना थुकिइ हे मदिक्क थीथी त्वहः तया राज्यस्तरपाखें हे प्रहार छाय् यानाच्वंगु खः ? २) आइएलओ १६९ व युएनड्रिपं बिउगु आदिवासी नेवाःतय्गु अधिकार छाय् सुनिश्चित याये मफुगु खः ? ३) संविधानय् दुगु स्वायत्त क्षेत्र, संरक्षित क्षेत्र व विशेष क्षेत्र कार्यान्वयन छाय् मयाःगु खः ?, ४) सम्मानीत सर्वोच्च अदालतया पुर्ण इजलासं बिउगु निर्देनात्मक आदेशयात अवहेलाना याना जनताया छेँ जग्गाय् छाय् डोजर आतंक जुयाच्वंगु खः ? ५) पहिचान, पहुच व प्रतिनिधित्वया समुदायया जायज माग व अपेक्षायात आः तक नं संबिधान संशोधन याना थुगु मागत छाय् सुनिश्चित यायेगु ज्या राज्यपाखें मयानाच्वंगु खः ?

थथे थौं प्रधानमन्त्रीयात सिडिओ ज्याकूथि पाखे छ्वःगु पौंया वोधार्थ आइएलओया ज्याकू, युनिस्कोया ज्याकू, राजनीतिक दलत, प्रदेश सरकारनिसें स्थानीय सकारयात नं बिइगु खँ धाःगु दु ।

थथे प्रधानमन्त्रीयात छ्वःगु न्ह्यसः पौं नेवाः भाषं छ्वःगलिं लिपिं च्वयाः छ्वःगु खःसा खेँभाषं व अग्रेजीभाषं नं छ्वःगु खः ।

Categorized in नेवाः