zero media family planning adv

नेवाः भाय् सयेकेगु इच्छा

प्रो. ग्रेगोरी जि. मस्करिन्स
पिएचडी, रिसर्च डिरेक्टर
डिपार्टमेन्ट अफ फामेली प्राक्टिस एण्ड कम्युनिटी हेल्थ
जोन ए. बन्र्स स्कुल अफ मेडिसिन युनिभर्सिटी अफ हवाइ
होनोलुलु, हवाइ

वय्कःया म्हसीका खः थ्व  –
तर पूवंगु म्हसीका धाःसा थुलि जक मखु । दकले न्हापां ला वय्कः नेपाःया ६६ गू जिल्ला चाःहिले धुंकूम्ह व्यक्ति खः ।
मेता वय्कः खस भाय् सःम्ह अले जुम्लाय् च्वंगु इलय् जुम्लेली भाय् नं सःम्ह खः । आः वय्कः येँय् दु । नेवाःतय्गु जात्रा पर्व अध्ययन यायेगु नितिं नेवाः भाय् नं सयेकेत इच्छुक जुयाच्वंगु दु ।
भाजु प्रो. ग्रेगोरी जि. मस्करिन्स करिब ६६–६७ दँया खनेदुसा वय्कः नकतिनि हे जक जुम्लाय् ताःई च्वनाः तन्त्र विद्या अन्तर्गत लाःगु धामि,झाँक्री विद्या सम्बन्धय् अनुसन्धान यानाच्वनादीगु खः ।
वय्कलं झाँक्री विद्या विश्वास याःपिन्सं यानाच्वंगु दु । छुं नं उसाँय् गुगुकथं लंकेगु धैगु झाँक्री विद्याय् उसाँय् मदुम्हेसिगु दिमाग सून्य यानाः मेगु प्रवेश याकेगु धकाः धाइ । थ्व वासः यानाः म्वानाच्वंपिं नं यक्व हे दु । थुकिया ल्यूने छु रहस्य दु थुइकां थुइके थाकू । तर आकस्मिक रुपं छुं नं ल्वय् लनीगु व जुइगु घटनाया दुनेया आधारय् झाँक्री विद्या थ्वहे खः धकाः धायेमफुसां थ्व विद्या पुलांगु विद्या खः धैगु पुष्टी जू ।
वय्कलं थःपिं नेपाःया ६६ गू जिल्लाय् थीथी थासय् वनाः अध्ययन अनुसन्धान यायेधुनागु व थःपिं अप्वः रोल्पा रुकुमय् च्वनाः ज्या यानागु खँ कनादिल । थ्वहे झ्वलय् थःपिन्सं नेपाली भाय् नं सयेकाः, रोल्पाय् च्वनाः रोल्पेली भाय् नं छुंछुं सयेकूगु खँ कनादिल ।
थःपिं आः येँय् दूगु थ्व इलय् नेवाःतय्गु संस्कृति परम्पराया अध्ययन यायेगु इच्छुक जूगु खँ नं कनादिसें थुकिया नितिं नेवाः भाय् सयेकेगु इच्छा दूगु विचाः नं प्वंकादिल ।