kmc bidya

नेवाः पत्रकार राष्ट्रिय दबुया ग्वसालय् ग्वाहालि

नेवा: अनलाइन न्युज – निश्चल | २०७७ बैशाख २९, सोमबार १२:२४:२३

कोरोना भाइरस कोभिड १९ या माहामारीया थुगु इलय् लकडाउनपाखें प्रभावित पत्रकारपिन्त उपत्यका सरोकार मञ्च व उपत्यका व्यापि सडक विस्तार पीडित संघर्ष समितिं थीथी नसात्वँसा ज्वलं ग्वाहालि याःगु दु । मञ्च व समितिं जाकि, क्येँ, दालमोठ, बजि, लाखामरी, चिनी, आँटा, तरकारी थें जाःगु झिंगुता नसाज्वलं ग्वाहालि याःगु खः । उगु नसाज्वलं नेवाः पत्रकार राष्ट्रिय दबूया संयोजनय् समस्याय् लाःपिं पत्रकारपिन्त लःल्हायेगु ग्वसा दुगु खः । 

उपत्यका सरोकार मञ्च र उपत्यका व्यापि सडक विस्तार पीडित संघर्ष समितिया नायः सुमन साय्मि, न्वकू विद्या श्रेष्ठ, छ्याञ्जे रविन्द्रकुमार श्रेष्ठ व दुजः विकासबाबु श्रेष्ठं उगु नसाज्वलं लःल्हानादीगु खःसा पत्रकार राष्ट्रिय दबूया केन्द्रीय अध्यक्ष सुरजवीर बज्राचार्य, यल जिल्ला अध्यक्ष सागर महर्जननापं यल जिल्ला कार्यसमिति दुजःपिन्सं उगु ग्वाहालि लःल्हानाकयादीगु खःसा स्वनिगःया नेवाः पत्रकारतय्त लःल्हायेगु धाःगु दु ।

थुखे किर्तिपुर नगरपालिकां नं पत्रकारपिन्त नसाज्वलं ग्वाहालि याःगु दु । नगरपालिकां जाकि, क्ये थेंजाःगु न्हियान्हिथं माःगु ज्वलं ग्वाहालि याःगु खः  ।

 

Categorized in नेवाः