city axpris 2

नेवाः पत्रकार दबूया न्हूम्ह नायः नृपेन्द्रलाल श्रेष्ठ

नेवा: अनलाइन न्युज | २०७९ पौष २४, आइतबार ११:३४:२६

नेवाः पत्रकारतयेगु राष्ट्रिय संगठन नेवाः पत्रकार राष्ट्रिय दबूया नायः कथं नृपेन्द्रलाल श्रेष्ठ यात निर्विरोध ल्यःया प्यक्वगु तःमुन्ज्या क्वचाःगु दु ।

नेवाः पत्रकार राष्ट्रिय दबूया शनिबार यलय् जुउगु प्यक्वगु महाधिवेशन व झिक्वःगु दँमुन्ज्यां नायः श्रेष्ठया  नेतृत्वय् १९ म्ह दुजःया कार्यसमितिइ वरिष्ठ उपाध्यक्ष सुनिल महर्जन, खुला उपाध्यक्ष सुरेन्द्रभक्त श्रेष्ठ, महिला उपाध्यक्ष रचना श्रेष्ठ ल्यःगु दुसा स्वनिगलं पिनेया प्रतिनिधित्व कथं उपाध्यक्ष सन्दीपकुमार श्रेष्ठ यात नं निर्विरोध ल्यःगु खः ।

अथेहेतुं महासचिवय् कृष्णकाजी केके मानन्धर, सचिवय् राजु नापित, कोषाध्यक्षय् बाबुकाजी साँछे श्रेष्ठ, खुला सहसचिवय् प्रजित शाक्य, महिला सहसचिवय् सुनिता महर्जन, स्वनिगलं पिनेया प्रतिनिधि कथं सहसचिवय् विजयराम कर्माचार्य व  सहकोषाध्यक्षय् तेजनारायण महर्जनयात निर्विरोध ल्यःगु खः ।

ल्यःज्याय् कार्यसमिति दुज कथं रत्नकृष्ण श्रेष्ठ , पूर्णभक्त दुवाव, दानदास श्रेष्ठ, अनिता डङ्गोल, अनुप प्रधान, मीना बज्राचार्य व स्वनिगलं पिनेया उत्तमकुमार श्रेष्ठ ९गण्डकी प्रदेश० यात ल्यःगु खः ।

लेखासमिति संयोजकय् विगेन तुलाधर व लेखासमिति दुजः पदय् उम्मेदवारी मवगु खँ निर्वाचन कमिटी संयोजक किरण शाक्यं कनादिल ।

तःमुन्ज्या उलेज्याझ्वलय् मूपाहाँ कथं झायादीम्ह उपप्रधान तथा भौतिक व यातायातमन्त्री नारायणकाजी श्रेष्ठ सामाजिक न्यायसहितया समृद्धिया लँपुइ सरकार न्ह्यचिलेगु खँ कनादिल । वयकलं जातीय विविधता या सम्बोधन व सामाजिक न्यायया लागिं पत्रकार जगत संवेदनशील जुइमा धका धासे समावेशी पत्रकारिताया विकास व मातृभाषाया पत्रकारिता विकास व संरक्षणया निंतिं राज्यया ध्यान वनि धका नं धयादिल ।

ज्याझ्वलय् उपप्रधानमन्त्री श्रेष्ठं दबूबाट निस्वनातःगु थी थी सिरपा नं लःल्हाना दीगु खः  । वषकलं नेवाः न्ह्यलुवा पत्रकार नरेशवीर शाक्ययात ज्ञानदेवी–मणि पत्रकारिता स्मृति पत्रकारिता सिरपा, नेपाल समाचारपत्रया  सरस्वती कर्माचार्य यात ज्ञानज्योति–लक्ष्मीप्रभा सिरपा लःल्हाना दिल । थ्व निगु सिरपा नीद्वः नीद्वः तका यागु खःसा  नेपाः च्यानलया अनुशा बज्राचार्ययात नगद झिंनिद्वः तकाया भिक्षुकुमार काश्यप स्मृति पत्रकारिता सिरपा, ख्वपया फोटोपत्रकार सुरेश ख्वाखः श्रेष्ठयात बाबुराजा ज्यापू फोटो पत्रकारिता , हेटौँडाया पत्रकार सुरेश श्रेष्ठयात । श्रीराम स्मृति पत्रकारिता पुरस्कार व काभ्रेया पत्रकार सूर्यप्रसाद लाकोेजुयात वाङमय शताब्दी पुरुष सत्यमोहन जोशी पत्रकारिता सिरपा लःल्हागु खः । थ्व स्वंगुलिं सिरपा झिद्व झिद्वःतकाया खः ।

तःमुन्ज्या उलेज्याझ्वलय् नेवाः देय् दबूया अध्यक्ष पवित्र वज्राचार्य, नेपाल आदिवासी जनजाति पत्रकार महासंघया अध्यक्ष गजुर्धन राई, दबूया केन्द्रीय अध्यक्ष सुरजवीर बज्राचार्य पिन्सं स्वर्गीय पत्रकार सत्यनारायण बहादुर श्रेष्ठयात नेपाल पत्रकार महासंघया संस्थापक सभापतिया  मान्यता बिया वयकया योगदानयात न्याय यायेमाल धका धयादिल । दबूया तत्कालिन नायः सुरजबीर बज्राचार्यया जुउगु सभाय् दबूया तत्कालिन महासचिव सुनिल महर्जन व यल कचा अध्यक्ष मन्जु बज्राचार्यं 

लसकुस यानादीगु खःसा ज्याझ्वलय् उपप्रधानमन्त्री श्रेष्ठं दबूया ‘लुमन्ति पौ’ नं विमोचन यानादीगु खः ।

Categorized in नेवाः