nepal investment baink

नेवाः देय् दबूपाखें छायाँदेवी कम्प्लेक्सया मार्केटिङ डाइरेक्टर पाण्डेयात ख्याच्वः

नेवा: अनलाइन न्युज – ललेन्द्र शाक्य | ने.सं. ११४४ सिल्लाथ्व दुतिया

नेवाः देय् दबूपाखें छायाँदेवी कम्प्लेक्स प्रा.लि.या छायाँदेवी मार्केटिङ डाइरेक्टर सुमन विक्रम पाण्डेयात छगू प्रेस विज्ञप्ति सार्वजनिक यासें ख्याच्वः ब्यूगु दु ।

ने.सं. ११४४ सिल्लाथ्व दुतिया (माघ २८ गते) आइतवाः नेवाः देय् दबूया नायः पवित्र बज्राचार्यं ल्हाःचिं तयाः सार्वजनिक याःगु उगु प्रेस विज्ञप्तिइ छायाँदेवी कम्प्लेक्स प्रा.लि., छायाँदेवी मार्केटिङ डाइरेक्टर सुमन विक्रम पाण्डें येँया ठमेलय् च्वंगु पलेस्वां पुखुली निर्माण जूगु विवादित छायाँदवी कम्प्लेकसया विषयस नेवाः समुदायया राष्ट्रिय संगठन नेवाः देय् दबुली निघौ थःम्हं ब्रिफिङ यानागु व नेवाः देय् दबूया छुं विरोध मदूगु धकाः ब्यूगु अभिव्यक्तिप्रति जिमिगु गम्भीर ध्यानाकर्षण जूगु दुव नेवाः देय् दबूलिसे खँ हे मल्हाःसे गुगु कथं २०८० भाद्र ५ गते पाण्डें सुत्र टिभीइ नेवाः देय् दबूया विषयस न्ह्यथन उगु खँप्रति जिमिगु मुक्कं असहमति दूगु जानकारी बियाच्वना धकाः न्ह्यथनातःगु दु ।

नेवाः देय् दबूपाखें सार्वजनिक जूगु प्रेस विज्ञप्तिइ धयातःगु दु, ‘नेवाः देय् दबू देय् न्यंकंया नेवाः समुदायया मंकाः राष्ट्रिय संगठन खः । आदिवासी अधिकारप्रति क्रियाशील जूगु व अन्तर्राष्ट्रिय सन्धी अभिसन्धीत आइएलओ १६९, आदिवासी मानवअधिकार सम्बन्धी संयुक्त राष्ट्रसंघीय घोषणा लिसेंया विषयस नेवाःपिन्त सचते यासें वयाच्वंगु नेवाः देय् दबू आदिवासी नेवाःपिनिगु प्रथाजनीत संस्था गुथि, संस्कृति, सम्पदा, भूमिया पक्षय् सदां नं पैरवी यानाः वयाच्वंगु स्पष्ट यानाच्वना । विवादास्पद छायाँदेवी कम्प्लेक्सया भवन दयेकुगु थाय् ऐतिहासिक कमल पोखरी जूगु व नेवाः संस्कृतिलिसे स्वानाच्वंगु पुरातात्विक कमल पोखरी खः धैगु सवालय् नेवाः देय् दबूया स्पष्ट दृष्टिकोण दु । पुखू संरक्षण जुइमाः धैगु सवालय् सः थ्वयेकाः वयाच्वनागु खँ नं सम्बन्धित पक्षयात थुइकाः च्वना ।’

छायाँदेवी कम्प्लेक्सया मार्केटिङ डाइरेक्टर सुमन विक्रम पाण्डेयात ख्याच्वः बिसें नेवाः देय् दबूपाखें सार्वजनिक जूगु प्रेस विज्ञप्तिइ न्ह्यथनातःगु दु, ‘छायाँदेवी कम्प्लेक्सया सम्बन्धित व्यक्ति पाण्डेया सार्वजनिक रुपं नेवाः देय् दबूया सवालय् ब्यूगु अभिव्यक्ति लितकायेत इनाप यानाच्वना । आः उप्रान्त थुगु संस्थाया नां कयाः थुज्वःगु गम्भीर विषयस न्वःमवायेत सचते नं याकाच्वना ।’

Categorized in स्थानिय-समाज