nepal investment baink

नेवाः खल कास्कीं तायाः मचा प्याखँ धेधे बल्ला कासा याइगु

नेवा: अनलाइन न्युज – निश्चल | नेपाल संवत ११४४ तछलाथ्व पारु (२०८१ असार २२गते) शनिवाः

नेवाः समुदायया  मौलिक संस्कृति तायाःमचा प्याखँ धेधे बल्ला कासा पोखराय्  जुइगु जुगु दु । ३६ गू पुचलं उगु धेधे बल्ला कासा ब्वति काइगु जुगु दु । 

नेवार समुदायया म्हसिकाया जात्रा सापारुय न्हिं तायाःमचा प्याखँ कासा यायेगु जानकारी बिइगु नितिं थौ। शनिवाः पत्रकार सम्मेलन यासें  नेवाः खल कास्की नायः अशोक पालिखे तायाःमचा प्याखँ पाखें पितृ उद्धार जुइगु धार्मिक मान्यता दुगु खँ कनादिगु दु । 

वइगु श्रावण ४ गते सापारुया न्हिं लाःगु तर श्रावण ८ गते धेधे बल्ला कासा यायेगु खँ कनादिगु दु।नेवाः खल कास्कीया ग्वसालय् नेवाः मिसा पुच नयाँबजार, नेवा ल्याम्ह पुचः नयाँबजार व नेवा कल्याणकारी गुठीया ग्वहालि उगु प्रतियोगिता जुइत्यंगु  खः ।

धेधे बल्ला कासा मिसा व मिजं यानाः ३६ गू पुचलं ब्वति काःगु दु । पत्रकार सम्मेलनय् ब्यूगु जानकारी कथं मिजं पाखें न्हााप लाःपिन्त स्वगू लख। ल्यू निगू लख, लिया ल्यू छगू लख नगद सिरपा बिइगु व मिसा पाखें सिरपा कथं न्हापयात ५० हजार ल्यूयात ३० हजार व लिया ल्यूयात २० हजार सिरपा बिइगु जानकारी ब्यूगु खः।

Categorized in नेवाः