Newa Ekata Diwas Gosthi Adv

नेवाः एच.डि. टिभिइ नेवाः संगीत दबू २५ ब्वया लसता ज्याझ्वः

नेवा: अनलाइन न्युज – विजयरत्न | २०७७ पौष २९, बुधबार ११:०७:३६

नेवाः एच.डी. टेलिभिजनपाखें न्ह्यानाच्वंगु नेपालभाषा संगीत ख्यःयात कःघानातःगु नेवाः संगीत दबू ज्याझ्वः २५ ब्व  पूवंगु लसताय् मंगलवाः छगू लसता ज्याझ्वः जुउगु दु ।  

ख्यालिजुजु मदनकृष्ण श्रेष्ठ मूपाहाँ कथं झायादीगु उगु ज्याझ्वलय् मूपाहाँ लिसेलिसें मेमेपिं पाहापिन्सं २५ प्वाः देवा च्याकाः ज्याझ्वःया उलेज्या यानादीगु खः ।

नेवाः एचडि टिभीया कजि नविन जोशीया सभानायःसुइ जुउगु नेवाः संगीत दबू २५ ब्व हना ज्याझ्वलय् नेवा संगीत दबूया निर्माता व न्ह्याकामि लिसें नांजाःम्ह लोकंह्वाःम्ह म्येहालामि गंगा महर्जनं लसकुस न्वचू तयादीगु खः ।

ज्याझ्वलय् नांजाःपिं संगीतकःमिपिं जुगल डंगोल, राजु सिंह, मनराजा नकःमि व धनबहादुर गोपाली, लोककवि राजभार्इ जकःमिपिन्सं नेवाः संगीत दबू  ज्याझ्वःया बारे कुलादिसें सफलताया निंतिं भिन्तुना बियादीगु ख ।

लसता ज्याझ्वलय् नेवाः संगीत दबू यात २५ ब्व थ्यंकेत ग्वाहालि यानादीपिं सकलसित सुभाय् पौ नं लःल्हागु खःसा बरिष्ठ म्येच्वमि लिसें समाजसेवी बालकृष्ण सजीव, नेवाः पत्रकार राष्ट्रिय दबूया केन्द्रिय नायः सुरजबीर बज्राचार्य, दबूया वरिष्ठ न्वकू नृपेन्द्रलाल श्रेष्ठ, न्वकू रचना श्रेष्ठ, दाँभरीं सुरेन्द्रभक्त श्रेष्ठ, दबूया येँ जिल्ला नायः अर्बिनमान सिं लगायत संगीतह्यःमिपिनिगु आपालं उपस्थिति दुउगु खः ।

Categorized in नेवाः