zero media family planning adv

नेवाः अनलाइन न्युज खुदँ क्यन

नेवा: अनलाइन न्युज – Rakesh Maharjan | २०७६ चैत्र १२, बुधबार १२:३८:०८

येँ – एड जोन प्रा. लिं. न्ह्याकाच्वंगु नेवाः अनलाइन न्युज थौं चौलाथ्व पारुखुनुनिसें खुदँ क्यंगु दु । 

नेवाः अनलाइन न्युजं नेपालभाषाया माध्यमं राष्ट्रिय, अन्तर्राष्ट्रिय लिसें नेवाः भाषा, जाति, साहित्य, संस्कृति, सम्पदा, कला, मनोरजन ख्यःया समसामयिक बुखँ व विचाः पिथनाच्वंगु दु । 

नेवाः अनलाइनं न्युजं थौं छगू सुभाय्पौ पिथनाः न्यादँया थःगु कार्यकालदुने थः नेपालभाषाया प्रमुख न्युज पोर्टल जुयाः न्ह्याः वनाच्वंगु खँ न्ह्यथंगु दु । न्यादँतक मदिक्क न्ह्यायेत ताःलाकूपिं सकल ब्वँमिपिं लिसें विज्ञापनदाता, बुखँ व च्वसु बियाच्वंपिं च्वमि, पत्रकार व माःकथं तिबः, गुहालि व हःपाः बियाच्वंपिं सकलसित नेवाः अनलाइन न्युजं सुभाय् व कृतज्ञता देछाःगु दु ।

सुभाय्‌पतिइ नेपाःया मूलधारया सञ्चारमाध्यमं नेवाःतय् भाषा, साहित्य, तजिलजि व मुद्दाया थीथी गतिविधि व सरोकारया मुद्दा न्ह्यमथनीगुलिं नेपालभाषाया माध्यमं पत्रकारिता यायेमाःगु खँ न्ह्यथनातःगु दु । नापं डिजिटल युगय् नेपालभाषाया डिजिटल पत्रिकाया म्होति पूवंकेगु आज्जु तयाः नं नेवाः अनलाइन न्युज न्ह्याःवनाच्वंगु खँ सुभाय्‌पतिइ न्ह्यथनातःगु दु ।

नेवाः अनलाइन न्युजं दँय्‌दसं थःगु बुदिंया लसताय् ज्याझ्वः यानाच्वंगु खःसां थुगुसी कोरोना भाइरसया हुनिं ज्याझ्वः स्थगित याःगु दु ।

 

Categorized in नेवाः