Header Nepal rastra bank Adv

नेवाः अनलाइनन्युजया संरक्षक बरिष्ठ सिने पत्रकार असंबरेयात नातिकाजी पत्रकारिता सिरपाः

नेवा: अनलाइन न्युज – ललेन्द्र शाक्य | २०७९ बैशाख २०, मंगलबार ११:३४:१७

संगीत महर्षीया रुपय् नांजाःम्ह संगीतज्ञ नातीकाजी श्रेष्ठया बुदिंया लसताय् नातीकाजी स्मृति समाजपाखें संगीत व कला क्षेत्रया थीथी व्यक्तित्वपिन्त नातिकाजी राष्ट्रिय सम्मान व सिरपाः लःल्हागु दु ।  

नातिकाजी राष्ट्रिय सम्मान व सिरपाः राष्ट्रपति विद्यादेवी भण्डारीं  लःल्हानादीगु खः ।

संगीत व कलालिसे स्वापू दुपि मुक्कं नीच्याम्ह संगीत श्रष्टापिन्त सम्मान व सिरपाः लःल्हाःगु उगु ज्याझ्वलय् वरिष्ठ सिने कला पत्रकार विजयरत्न तुलाधर असंबरेयात नातिकाजी राष्ट्रिय कला पत्रकारिता सिरपाः लःल्हागु खः ।  

पत्रकारिता ख्यलय् ज्वःमदुगु योगदान दुम्ह पत्रकार तुलाधर थ्व न्युज पोर्टल नेवाः अनलाइनन्युजया संरक्षक खः ।

नातिकाजी स्मृति समाजया ग्वसालय् राष्ट्रपति विद्यादेवी भण्डारीपाखें लःल्हाःगु सम्मान व सिरपाः ज्याझ्वलय् नातिकाजी स्मृति समाजया नायः संगीतज्ञ शम्भुजित बास्कोटाया सभानायसुइ जुउगु खःसा नेपाल प्रज्ञा प्रतिष्ठानया कुलपति गंगाप्रसाद उप्रेती विशेष पाहाँ कथं उपस्थित जुयादीगु खः ।

ज्याझ्वलय् नातिकाजी राष्ट्रिय विशिष्ट श्रष्टा सम्मान गायन विधाय् नुपुर बनर्जी भट्टाचार्ययात लःल्हागु खः । अथेहेतुं नातिकाजी राष्ट्रिय विशेष संगीत सम्मान बिबी थापा (रचना), नारायणदास कार्की ढली (वाद्यवादन), शिला पन्त (रचना), सीताराम पोखरेल (गायन व रचना), प्रदीप उपाध्याय (साउन्ड इन्जिनियर), कुन्ती मोक्तान (गायन), प्रभु ढकाल (शास्त्रीय संगीत), हरिभक्त बुढाथोकी (रचना), राजकुमार श्रेष्ठ (अर्केस्ट्रा व संगीत), शीतल कादम्बिनी (रचना) व सहदेव ढुंगाना (रचना) यात बिउगु खः ।

थ्वहे झ्वल नातिकाजी राष्ट्रिय संगीत सिरपाः अरुण तिवारी (रचना), सन्तोष श्रेष्ठ (संगीत), निशा देसार (गायन) व शिव परियार (गायन) , नातिकाजी राष्ट्रिय प्रतिभा सिरपाः डिपी दाहाल (रचना), अर्जुन पोखरेल (संगीत), सिन्धु मल्ल (गायन), अजर जंगम (गायन) व नातिकाजी राष्ट्रिय शास्त्रीय संगीत सिरपाः अमृतहिरा तुलाधर योगी (सितार) यात बिउगु खः ।

Categorized in कला