prabhu baink new

नेवाःत फुगु हे खतला ?

सानुराजा शाक्य
कांग्रेसं धोका बिइवं एमाओवादी पार्टीया कट्टर विरोधी एमाओवादीया हे बैशाखी चुया एमालेया नायः खड्ग ओलिं थःगु नेतृत्वय् सरकार दयेके माल । दकलय् अप्वः एमाओवादीयात हिस्यानाः न्ववायेगुलिइ प्रखरम्ह केपि ओलीया थ्व सरकारं नं परिवर्तनया आभास बिइत सफल मजुइगु पक्का जूगु दु । न्हूगु संविधान वये धुंकाः दकलय् द्याये माःपिं नेवाःत जुइगु क्रमय् केपि ओलिया सरकारय् छम्ह नं नेवाः दुमथ्याइगु संकेत खनेदुगु दु । नेपाःया इतिहासय् नेवाःत थुकथभनं लिउने ध्याकुने लाः वंगु थ्व न्हापां पटक जुइ । राष्ट्रपति व प्रधानमन्त्री एमालेया ब्राम्हण समुदाय व सरकारय् नं अधिकांश थ्व समुदाययात प्राथमिकता बिया एमाले व एमाओवादीं सरकार गठन याःगु दु । राप्रपा नेपाल, गच्छेदारया लोकतान्त्रिक फोरमं नेवाःतय्त थाय् बिइगु ख“ हे मन्त । हिन्दू धर्मया नामय् नेवाःतय् यक्व भोट काःम्ह कमल थापां व हे नेवाःतय्त ल्वाप्पा नकाः थःपिं सिद्धान्त स्वयां सत्ताया भोगी खः धइगु अवसरवादी चरित्र प्रमाणित यासें सरकारय् वन ।
राष्ट्रपति, उपराष्ट्रपति, सभामुख, उपसभामुख, प्रधानमन्त्री, उपप्रधानमन्त्री लगायत सरकार गठनया फुक्क प्रक्रिया थ्यंबलय् नेवाःत गनं नं मथ्यंगु स्वयेबलय् एमाले व एमाओवादीइ नेवाःत पूmगु हे खःतला धइगु न्≈यसः दनी नेवाःतय् ज्वाइ“पिं प्रधानमन्त्री केपी ओलि, उपप्रधानमन्त्री विजय गच्छदार व मेम्ह उपप्रधानमन्त्री कमल थापा
थ्यंगुलिइ हे सन्तोष जुया नेवाःत राजनीतिया वर्तमान अवस्थां पलायन जुइगु अवस्था वःगु जकं खःला ? ज्या याये म्वाःगु तर मन्त्री धाये दइगु पद हे विना विभागीय मन्त्री पद खइ । क्षमता नं क्यने म्वाःगु रिस्क नं मदुगु पद छु धाःसा व नं विना विभागीय हे मन्त्री पद हे जुइ । नेपाःया सन्दर्भय् नेपाःया कार्यकारी पद धइगु प्रधानमन्त्री पद हे खः । संविधानसभां दयेकूगु विवादीत संविधानय् नं प्रधानमन्त्रीयात हे कार्यकारी दयेकातःगु दु । कार्यकारी पद प्रत्यक्ष निर्वाचनं ल्यये दयेमाः धइगु अत्यधिक नेपामि जनताया मागयात संविधान दयेका धाःपिं वर्चश्ववादी नेतातसें अस्वीकार यानाः व हे पुलांगु तरिकां पार्टीया ≈वीपया लिधंसाय् प्रधानमन्त्री,राष्ट्रपति लगायत पदत नं ल्यये सिधयेधुंकल । प्रधानमन्त्री पदय् वर्चश्ववादी खस आर्य समुदाय नं बाहेक मेगु समुदायपाखें ल्यये फइगु संभावना जारी जूगु संविधानं नं अप्रत्यक्ष रुपं निषेध हे यानातःगु प्रमाणित जूगुलिं नं जारी जूगु संविधान असमावेशी धरातलय् हे गठन जूगु खः धइगु क्यन । प्रधानमन्त्री धुंकाः भतिचा पावर दुगु पद धइगु राष्ट्रपति खः ।
थुगुसि थ्व पद नं वर्चश्ववादीतसें थःगु हे खल्टी स्वथंगु दु । उपराष्ट्रपति पदय् समावेशी याना धाःसां थ्व पद छुं ज्याखेले वःगु पद मखु । विरामी नन्दकिशोर पुनःया जीवन निर्वाह यायेत बिउगु बोनसया रुपय् जक थ्व पदया उपयोग जुइगुलिइ शंका मदु । मेगु सभामुख पदय् समावेशी याःगु कथं खनेदुसां सभामुख पद धइगु नितान्त प्राविधिक पद जक खः
। पावर एक्र्ससाइज याये फइगु पद मखु । उकिसनं संविधान बने जुइधुंकूगुलिं सभामुख नितान्त संसद न्≈याकेगु प्राविधिक पद जक जुल । मेगु प्राविधिक यक्व भतिचा पावर नं एक्र्ससाइज याये फइगु प्रधानन्यायाधिशया पद नियमित प्रक्रियां पूर्ति जुइगु जूगुलिं थ्व राजनीतिक वहसया विषय मजुल । प्रधानमन्त्री ओलि व राष्ट्रपति भण्डारीया विचारधारानिसें छगू हे मुहानया उत्पादन जूगुलिं दकलय् अनुकूल वातावरण प्रधानमन्त्री व राष्ट्रपतिया नितिं चूलाःगु दु । मदन भण्डारीया दकलय् विश्वस्त व्यक्तित नं जूगु कारणं मदन भण्डारीया हत्याया बारे सत्य तथ्य क्यनेगु आ“ट दुसा थ्व हे मौका खः प्रधानमन्त्री व राष्ट्रपतियात तर एमालें हत्या हे खः धकाः करार यानातःगु मदन भण्डारी हत्या काण्डया पटाक्षेप ओलि भण्डारी नेतृत्वं याना क्यनेगु साहस याइगु विश्वास मदु व याइ नं मखु । मदन भण्डारीया मृत्युयात हत्याकाण्डया रुप बियाः पोलिटिकल स्टन्ट दयेका फाइदा कयाच्वने दइगु अवसरयात एमाले व ओलि भण्डारीया सरकारं नष्ट याये चाहे मजुइगुलिं थ्व नेतृत्वं मदन भण्डारी हत्याकाण्डया छानवीन यायेगु ख“ ल्हाइ मखु ।
थौंकन्हे प्रधानमन्त्री ओलि न्हापा गुलि लोकप्रिय जुयाच्वंगु खः वयाः लोकप्रियताया ग्राफ धमाधम क्वहा“ वयेगु

शुरु जूगु दु । मधेसय् ओलि अलोकप्रिय धइगु ख“ एमालेया हे मधेसी कार्यकर्तातसें ओलिं मधेसीयतय्त अपमान यानाः

न्ववाःगु ख“ उमिगु मन ख्वःगु दु । मधेस आन्दोलनया कारणं उत्पन्न जूगु नाकाबन्दीयात कयाः अप्रत्यक्ष रुपं भारतया विरोध याःगु खनेदुसां ओलि स्वय्म्ह उज्वःम्ह राष्ट्रवादी नेता खः धइगु प्रमाणित जूगु मदु । थौंकन्हे जनतां फयेमाला च्वंगु समस्या समाधान यायेगु मामिलाय् प्रधानमन्त्रीया ज्या स्वयां ख“ जक अप्वल धकाः जनतां हे विरोध याना हयेधुंकल । उखान टुक्कां प्वाः जाइमखु भाषणं चिकं वइमखु धकाः जनतां हे प्रधानमन्त्री लगायत मन्त्रीतय्त ब्वःबिया प्रहार यायेगु शुरु जूगु दु । छखे मधेस आन्दोलनया समस्या समाधान यायेगु मामिलाय् सरकारया
उदासिनता मेखे समस्या समाधान मजुया जनतायात जुयाच्वंगु थी थी समस्या समाधान यायेगु मामिलाय् सरकारय् कृयाशीलताया अभावया दथुइ थःगु सत्ता टिके यायेगु नामय् याःगु खुम्ह खुम्ह उपप्रधानमन्त्री दयेकूगु उकि नं उपप्रधानमन्त्री फुक्कं संघीयता विरोधी छगू हे समुदाययानेतातय्त जक दयेकूगुलिं हे ओलिया बोलिया आधार हावादारी जक खः धइगु क्यन । थुगु पटकय् राष्ट्रपति, प्रधानमन्त्री लगायत फुक्क हे उच्च पदस्थ नेतात शैक्षिक योग्यताया मामिलाय् कमजोर व्यक्तित जक ल्यःगु घटनां निराश न्हूगु पुस्तायात आशा क्यनेगु ल“पु नं बन्द जुल ।
दकलय् अप्वः चिन्ताया ख“ नेवाःतसें कायेमाःगु अवस्था पिदंगु दु । राज्यशक्तिइ नेवाःत गुकथं तापाका यंकाच्वन धइगु घटनां नेवाःतय् अस्तित्वया चिन्ता मखु नेवाःत असफल समुदायया रुपय् हिल धाःसा नेवाःत गुकथं म्वायेगु धइगु चिन्ता कायेमाःगु अवस्था पिदंगु दु ।