नेवा: अनलाइन न्युज | २०८० भाद्र २७, बुधबार १५:०८:३६

हृदयघा जुयाः मदुम्ह संविधान सभाया अध्यक्ष सुवास नेम्वाङया पार्थिव शरीर एमाले पार्टी कार्यालय च्यासलं छेँय् यंकुगु दु ।।

विदेशं लिहाँवःपिं निम्ह काय् पिन्सं च्यासलय्  अन्तिम श्रद्धाञ्जली बिइ धुंका पार्थिव शरीर बालुवाटारय् च्वंगु छेँ यंकुगु खः । नेम्वाङया तल्धिम्ह काय्  मिङ्सो बेलायत पाखेृं थौं सुथय् वंगु खःसा मेम्ह काय् सुहाङ मंगलवाः बहनिं हे अष्ट्रेलिया लिहाँवंगु खः । 

नेम्वाङयात लिम्बु परम्परा कथं अन्ति संस्कार यायेगु खँ स्वकीय सचिव कृष्ण काफ्ले जानकारी ब्यूगु दु ।

सरकारं नेम्वाङ मदुगुलिं कन्हय् बिहिवाः देय् न्यकं शोक विदा घोषणा याःगु दु ।

राजकीय सम्मान यानाः अन्त्यष्टि यायेगु सरकारं निर्णय याःगु दु ।

एमाले नं नेम्वाङ मदुगुलिं स्वन्हू तक देय् न्यकं पार्टीया ध्वाये बच्छि क्वछुकेगु निर्णय याःगु दु ।

Categorized in राष्ट्रिय