nepal investment baink

नेम्वाङया अन्तिम संस्कार, थौं शोक विदा

नेवा: अनलाइन न्युज – निश्चल | २०८० भाद्र २८, बिहिबार ०९:४३:४७

हृदयघा जुयाः मदुम्ह संविधान सभाया अध्यक्ष सुवास नेम्वाङया अन्तिम संस्कार थौं बिहिवाः पशुपति आयैघमतय् याइगु जुगु दु ।

विदेशं लिहाँवःपिं निम्ह काय् पिन्सं च्यासलय्  अन्तिम श्रद्धाञ्जली बिइ धुंकाः पार्थिव शरीर बालुवाटारय् च्वंगु छेँ यंकुगु खः । 

थौं स्थय् ११ ताः इलय् नेम्वाङयात लिम्बु परम्परा कथं अन्ति संस्कार याइगु जुगु दु । वयकःयात बालुवाटारं पशुपति तक शबयात्रा यानाः यकेगु जानकारी एमाले पार्टी ब्यूगु दु ।

सरकारं राजकीय सम्मानसहित अन्त्येष्टि यायेगु निर्णय याःगु दु ।

सरकारं नेम्वाङ मदुगुलिं थौं बिहिवाः देय् न्यकं शोक विदा घोषणा याःगु दु ।

नेम्वाङ सोमवाः चान्हय् मदुगु खः ।

 

Categorized in राष्ट्रिय