1142 nhoo dan adv

नेमसिंह नकःमिया निगू सफू शताब्दी पुरुष जोशीया ल्हाःतं चिखिफ्यनीगु

नेवा: अनलाइन न्युज – ललेन्द्र शाक्य | २०७८ मङ्सिर २, बिहिबार १२:१२:००

समाजसेवी साहित्यह्यःमि नेमसिंह नकःमिया निगू सफू सार्वजनिक जुइगु जूगु दु ।

वाङ्मय शताब्दी पुरुषलिसें संस्कृतिविद् भाषारत्न डा. सत्यमोहन जोशीया ल्हाःतं उगु निगू सफू चिखिफ्यनीगु जानकारी ग्वसाः खलः बाल सिर्जना मासिक पत्रिकां ब्यूगु दु ।

नेपालभाषाया ‘सुलिमय्’ व खस नेपाली भाषाया ‘बौलाहा मान्छेको सद्दे कुरा’ सफू समाजसेवी साहित्यह्यःमि च्वमि नेमसिंह नकःमिं च्वयाः सार्वजनिक यायेत्यंगु खः ।

ग्वसाः खलः बाल सिर्जना मासिक पत्रिकां ब्यूगु जानकारी कथं ने.सं. ११४२ कछलागा पारु (मंसीर ४ गते) शनिवाः न्हिनसिया १ः३० ता इलय् यलया बखुंबहालय् च्वंगु शताब्दी पुरुष सत्यमोहन जोशीया छेँय् नेमसिंह नकःमिया उगु निगू सफू चिखिफ्यने ज्याझ्वः जुइत्यंगु खः ।

 

Categorized in कला