नेवा: अनलाइन न्युज | २०७७ पौष २६, आइतबार २२:०२:१७

नेपाली म्युजिक भिडियो अवार्डया स्वक्वगु संस्करणतक  ताःलाके धुंकुगु संगिक्षा फिल्म्सं आः प्यक्वगु संस्करण  याकनं याइगु जुउगु दु । नेपाःया संगीतख्यः विकास व सम्मानया निंतिं थ्व अवार्ड निरन्तर न्ह्याका च्वनागु खँ संगीक्षा फिल्म्सया नायः मनोज कुमार केसीं कनादिल । थ्व अवार्डय् नेपालभाषाया म्युजिक भिडियो दथुइ नं अलग्ग हे धेंधेंबल्ला जुइगु खँ ग्वसाः खलःया संगीक्षा अध्यक्ष मनोज के।सीं कनादिल ।

 सामाजिक सञ्जालपाखें घोषणा जुउगु थ्व अवार्ड वि।सं। २०७८ नयाँ वर्षया अवसरय् जुइ धका धयादीगु दु । ग्वसाखलःया धापु कथं    सन् २०२१ दुने प्यक्वगु संस्करण जुइगु व उकिया निंति फारम नं पिकाये धुंकुगु दु । सन् २०२१ दुने हे अवार्ड जुइगु धयातःसां आःयात ई , तिथि मिति व थाय् क्वमजिउनि धका ग्वसाः खलकं जानकारी बिउगु दु ।

थ्वसिबें न्हापा युएई अबुधाबी व दुबईलय् क्रमशः छसीकथं न्हापांगु व निक्वगु संस्करण सम्पन्न जुउगु खःसा अवार्डया स्वंगुगु संस्करण संगीक्षा फिल्‍मस व ब्राइट भेन्चरया मंका ग्वसालय्  सन् २०१८  मलेसियाया क्वालालम्पुरय् सम्पन्न जुउगु खः । थगुने नगुनेया संस्करणय् थें थुगुसिया अवार्डय् नं आधुनिक, लोक, दोहोरी, पप तथा राष्टिय भावनाया म्ये अन्तर्गत गायक, गायिका, संगीतकार, म्युजिक भिडियो मोडल, छायांकार, निर्देशक, सम्पादक लगायत ३० विधाय् अवार्ड बिइगु खँ ग्वसाखलःया मनोज के सिं जानकारी बियादीगु दु ।

 

Categorized in कला