coved ad

नेपालय् हे मोबाइल उत्पादन यायेत व्यवसायीपिन्त अर्थमन्त्री शर्माया आग्रह

नेवा: अनलाइन न्युज – ललेन्द्र शाक्य | २०७८ मङ्सिर १५, बुधबार १३:५७:५०

अर्थमन्त्री जनार्दन शर्मा प्रभाकरं नेपालय् हे मोबाइल उत्पादन यायेत मोबाइल व्यवसायीपिन्त आग्रह याःगु दु । थुकिया नितिं माःगु ग्वाहालि यायेत सरकार तयार दूगु मन्त्री शर्मां धाःगु दु ।

बुधवाः नेपाल मोबाइल वितरक संघया महाधिवेशन उलेज्या यासें अर्थमन्त्री शर्मां उगु खँ धाःगु खः ।

मन्त्री शर्मां मोबाइल डिभाइस म्यानेजमेन्ट सिस्टम (एमडीएमएस) तत्काल लागू यायेत नेपाल दूरसंचार प्राधिकरणयात निर्देशन बियागु जानकारी तकं ब्यूगु खः । अवैध रुपं जुइगु कारोवार व राजश्व चुहावट पनेत सरकार कडा रुपं न्ह्यःने वनागु मन्त्रीं शर्मां धाःगु दु ।

एमडीएमएस वंगु साउननिसें हे लागू यायेगु घोषणा याःगु खः । तर अझ नं लागू जुइफूगु मदुनि । तःधंगु मात्राय् अवैध मोबाइल दुहाँ वयेगु क्रम मद्यूगु धासें व्यवसायीपिन्सं एमडीएमएस लागू तत्काल हे यायेमाःगु धासें अर्थमन्त्रीया ध्यानाकर्षण याकूगु खः ।

Categorized in बजाः