नेवा: अनलाइन न्युज | २०७२ जेठ २६, मंगलबार १५:२५:३७

भुखाय्या इतिहासकथं नेपालय् हरेक ७० निसें सच्छि दँय् छगू त:भुखाय् व  हरेक ५० दँय् मध्यमखालया भुखाय् ब्वयेगु या: । नेपालय् आतस नेपाल सम्वत ३४३, ३७५, ४६४, ८३४, ८९७, ९२८, ९४५, ९५३, ९५४, ९७७, ९८६, १००१, १०५३, ११०८ व ११३५ सालय् त:भुखाय् ब्व:गु इतिहास दु ।

• २ माघ १९९० (१०५३) स संखुवासभा जिल्लाया चैनपुर केन्द्र जुया ब्व:गु भुखाय् ८।४ रेक्टर स्केलया ख: । आतकया दकलय् विनाशकारी धका: २ माघ १९९० सालया त:भुखाय्यात कयात:गु दु। ८।४ रेक्टर स्केल क्षमताया उगु भुखाचय् लाना नेपालय् जक स्वद्व: च्यास: व ५० मिजं व प्यद्व: खुस: व ६९ मिसा याना: मुक्कं च्याद्व: न्यास: ज १९ म्ह मदुगु ख:सा छेँ, ब्वनेकुथि, देग:, सत: व सार्वजनिक छेँ यउनउ: निगु लख न्हय्द्व: ४० गू संरचना दुंगु अभिलेख दु ।

• भदौ ५, २०४५ (११०८) या सुथय् ६.६ रेक्टर स्केलया भुखाय् ब्व:गु ख: । पूर्वी व मध्य नेपालय् यक्व क्षति जूगु ख:, उदयपुर जिल्लाय् केन्द्र जुया ब्व:गु ६।६ रेक्टर स्केलया भुखाचं न्हय्स: व २१ म्ह मदुगु ख:सा ६५ द्व: छेँ दुंगु ख: ।
• २०७२ बैशाख १२ गते गोरखाया बारपाकयात केन्द्रविन्दु दयेका: ७.६ रेक्टर स्केलया भुखाय् उलि हे विनासकारी सावित जुुल ।