prabhu baink new

नेपालभाषा म्ये कासा ११४० जुइगु, म्येहालामिपिन्त ब्वति कायेत इनाप

नेवा: अनलाइन न्युज – ललेन्द्र शाक्य | २०७७ भाद्र १५, सोमबार १५:०९:५८

थौंकन्हय् जुयाच्वंगु निषेधाज्ञाया ईयात वाःचायेकाः ह्याउँनिभाः व ग्लोबल नेपाल नेटवर्कया ग्वसालय् सितलामाजु म्येया लुमन्तिइ ...म्ये हालोगु सिरपाः त्याकेगु... नेपालभाषा म्ये कासा ११४०...नां बियाः नेपालभाषा म्ये कासाया ग्वसाः ग्वःगु दु ।

नेपालभाषाया न्ह्याग्गु नं म्येया ट्रयाक बाय् बाजं लिसे म्ये हालाः भिडियो रिकर्ड यानाः ग्वसाः खलःया ईमेलय् उगु भिडियो छ्वयेमाःगु कथं नियम दयेकातःगु दु ।

नेवाः एकता अभियान जापानया कजि लिसें जापानय् च्वनाः नं नेपाःया थीथी विधाया नेवाः ख्यःया गतिविधियात माया मतिना यानाः आर्थिक ग्वाहालि यायेगुलि न्ह्यलुवाः जुयाः वयाच्वंम्ह सुनिलकुमार शाक्यया आर्थिक संयोजनय् जुइगु उगु म्ये कासाया मिडिया पार्टनर एस च्यानल टेलिभिजन खःसा उगु हे च्यानलपाखें ब्वति काइपिनिगु म्येया भिडियो प्रसारण जुइगु जानकारी ग्वसाः खलकं ब्यूगु दु ।

ग्वसाः खलकं न्ह्याग्गु उमेरया पिन्सं नं थुगु कासाय् ब्वति कायेदइगु व संसारया न्ह्याग्गु थासं नं ब्वति कायेदइगु नियम सार्वजनिक याःगु दुसा हालेगु म्ये नेपालभाषाया हे म्ये जुइमाःगु शर्त नं सार्वजनिक याःगु दु ।

थुगु कासाय् ब्वति काइपिन्सं थःम्हं हालागु म्येया भिडियो viewchannelace@gmail.com ईमेल ठेगानाय् छ्वयाहयेमाःगु जानकारी ग्वसाः खलकं बियातःगु दुसा आपालं आकर्षक सिरपाः दूगु जानकारी नं ब्यूगु दु ।

थ्वहे कासाया सम्बन्धय् थौं भाद्र १५ गते स्टार मेकरया म्येहालामिपिन्त गुकथं सहभागी याके फइ धइगु विषस स्टार मेकरया ...ज्वजलपा म्ये दबू... संयोजकत्वय् स्टार मेकरया थीथी ग्रुपया जः दुजः प्रतिनिधिपिंदथुइ सहलह ब्याकेगु ज्या नं जूगु दु ।

Categorized in कला