prabhu baink new

नेपालभाषा एकेडेमीया स्वंगु सफू पिदन (भिडिओ)

नेवा: अनलाइन न्युज | २०७७ श्रावण १७, शनिबार २०:४८:०७

बिजयरत्न

नेपालभाषाया साहित्य व संस्कृतिया ख्यलय् छगु प्राज्ञिक संस्था कथं निस्वनातःगु नेपालभाषा एकेडेमीपाखें स्वंगु सपूm पिकागु दु । स्वंगु सफूया पिकाकः एकेडेमीया संरक्षकया नं जुयादीम्ह वाङ्गमय शताब्दि पुरुष अतिकं हनेबहम्ह संस्कृतिविद् डा सत्यमोहन जोशीं मूपाहाँ कथं थौं शनिबार जुउगु छगु ज्याझ्वःया दथुई थथे स्वंगु सपूm या पितब्वज्या यानादीगु खः ।  मूपाहाँ शताब्दि पुरुष जोशीया निवास स्थानय् दयेका च्वंगु लोक साहित्य भवनय् जुउगु उगु सपूm पितब्वज्या ज्याझ्वः ग्वसाः खलः एकेडेमीया उप कुलपति एवं साहित्यकार यज्ञरत्न धाख्वाःया सभानायसुइ जुउगु खः । 

थौं जुउगु पितब्वज्या ज्याझ्वलय् ग्वसाः खलः नेपालभाषा एकेडेमीया खुला पौ नेवाः प्रज्ञा या प्यंगुगु ल्याः या नापनापं साहित्यकार यज्ञरत्न धाख्वाःया बाखं मुना सफू चं अजि व समालोचक प्रा डा चन्द्रमान बज्राचार्यया च्वसु मुना सफू ल्हाःचिं या पितब्वज्या जुउगु खः ।

स्वंगु सफुया पिकाकः नेपालभाषा एकेडेमीया प्राज्ञ दुजः मयजु शशीकला मानन्धरं न्ह्याकादीगु उगु पितब्वज्या ज्याझ्वलय् एकेडेमीया मेम्ह प्राज्ञ दुजः विजयरत्न असंबरें लसकुस न्वचु बियादीगु खःसा ज्याझ्वलय् मूपाहाँ शताब्दि पुरुष जोशीं नेपालभाषाया साहित्य नं विश्वया छुं नं देय् व भाय्या साहित्य सिबें मजु धका धयादिलसा नेवाः साहित्ययात नं विश्वया मेमेगु भासं भाय् हिला विश्व साहित्य ख्यलय् थ्यंके लिबाय् धुंकल धका धया दिल ।

ज्याझ्वःया सभापति एवं थौं पिदंगु बाखं मुना सफूया च्वमि साहित्यकार धाख्वाः नं अंग्रेजी भासं मोडर्न शर्ट स्टोरी धका धाइगु झीसं चिबाखं धया वया च्वनागु छगु हे मखु धका धासे बाखंया परिभाषा न्ह्यागु हे जूसां मू खँ धइगु बाखं च्वयेगु हे खः धका धयादिल । थोंहे पिदंगु सफूया मेम्ह छम्ह च्वमि डा बज्राचार्यं साहितयया थीथी सिद्दान्तयाबारे चर्चा यानादिल । ज्याझ्वलय्  शताब्दि पुरुष जोशीया निवास स्थानय् दयेका च्वंगु लोक साहित्य भवन निर्माणय् ग्वाहालि जुइकथं साहित्यसेवी एवं समाजसेवी मोतिलाल शिल्पकारं ५१ द्वतका  व साहित्यकार एवं नेपालभाषा एकेडेमीया उप कुलपति यज्ञरत्न धाख्वाःभाजुं छगु लखतका ग्वाहालि कथं लःल्हानादिल । थन क्लिक यानाः स्वयादिसँ भिडिओ

Categorized in नेवाः