zero media family planning adv

नेपालभाषा एकेडेमीया ग्वसालय् छधा प्याखं ब्वज्या जुइगु

नेवा: अनलाइन न्युज | २०७७ आषाढ ११, बिहिबार १२:३०:५२

नेपालभाषाया छधा प्याखंया छुं नं कथंया ज्या दिना च्वंगु ताः दयेधुंकुगु दुसाः थ्व ख्यलय् खनेदया च्वंगु थ्वहे प्वकतांयात चिइकेगु कुतः कथं नेपालभाषा एकेडेमीया ग्वसालय् छगु छधा प्याखं ब्वज्या जुइगु जुउगु दु । थ्वहे वइगु ने।सं।११४० दिल्लाथ्व नवमि , असार १५ गते जुइगु थ्व ब्वज्याय् मुक्कं च्यापु प्याखंया ब्वति दइगु जुउगु दु । नेपालभाषा एकेडेमीया सदस्य सचिव हनेबहम्ह नेवाः न्ह्यलुवाः मल्ल के सुन्दरं जानकारी बियादीकथं थुगुसी थ्व छधा प्याखं ब्वज्याजक मजुसे कासाय् हे कथं जुइमाःगु खःसां कोरोना संक्रमणया ग्याचिकु व लकडाउनया कारणं याना थथे लिकुने मालाच्वंगु खनेदुसाः नेपालभाषा एकेडेमीया ग्वसालय् जुइत्यंगु थ्व छधा प्याखं ब्वज्या तालाकेत एकेडेमीया प्राज्ञ दुजः बीरप्रसाद भन्सारीया कजिसुइ छगु पुचः निस्वना तःगु दु ।

पुचःया कजि भन्सारीं जानकारी बियादीकथं आः ईलय् खनेदया च्वंगु विषम परिस्थितिइ छधा प्याखं ब्वज्यायात गुलि तःजिक्क यायेमाःगु खः उलि तःजिक यायेमखंसा थौंया प्रविधीया लिधंसा कया थ्व ब्वज्या भर्चुअल वा टेलिभिजन लाइभपाखें जुसां पूवंकीगु खँ दु । असार १५ खुन्हु जुइत्यंगु थ्व ब्वज्या कीपुया राराहिल स्कुलया नाटक घरपाखें लाइभ क्यनिगु ग्वसाः दुसाः उगु ब्वज्याय् थीथी च्यागु प्याखं क्यनिगु जुउगु दु ।

छधा प्याखं ब्वज्याय् न्ह्यब्वइगु प्याखनय् रामकृष्ण खडगीया निर्देशनय् लोककवि राजभाई जकःमि च्वयादीगु “कीर्तिलक्ष्मी” , नांजाम्ह संकिपाकःमि सुरेन्द्र तुलाधरया च्वसा व निर्देशन दुगु “डा कान्छाभाइ” , नांजाम्ह साहित्यकार शशीकला मानन्धरं च्वयादीगु अले नांजाम्ह संकिपाकःमि आर्यम नकःमिया निर्देशनय् “चन्द्रहार” दुथ्याना च्वंगु दुसाः थ्व ब्वज्याय् राजेश शाक्यया निर्देशनय् रङ्गकर्मि रामकृष्ण धिनां नं च्वयादीगु “थ्वपु कर्म”, सन्चारकःमि व रङ्गकर्मि  कृष्ण प्रजापतिया च्वसा व निर्देशनय् “बुँख्याःचा” , नांजाम्ह कलाकःमि राजु स्यःस्यःया च्वसा व निर्देशनय् “तरकारी बन्जा” , साहित्यकार व सन्चारकःमि मीना बज्राचार्यया च्वसाः व वरिष्ठ रङ्गकर्मि व संकिपाकःमि पवन जोशीया निर्देशनय् “लिथु” व च्वमि राजेन्द्रकुमार पुताया च्वसाय् रवि महर्जनया निर्देशनय् “थौकन्हे” नांयागु छपु छधा प्याखं दुथ्याना च्वंगु दु ।

Categorized in नेवाः