नेवा: अनलाइन न्युज – ललेन्द्र शाक्य | २०८० कार्तिक १३, सोमबार १३:२८:१३

टी–२० विश्वकपया एसिया छनोटय् नेपालं स्यल्लाक्क त्याकेगु पलाः छ्यूगु दु ।

थौं सोमवाः किपूया त्रिवि क्रिकेट मैदानय् जूगु थःगु न्हापांगु कासाय् नेपालं सिंगापुरयात ८ विकेटं त्याकूगु खः ।

सिंगापुरं ब्यूगु १४६ रनया आज्जु नेपालं कुशल भुर्तेलया अर्ध शतकया ग्वाहालिपाखें १६.३ ओभरय् जक २ विकेट गुमेयानाः नापलाकूगु खः ।

थ्वसिबें न्ह्यः टस त्याकाः न्हापां ब्याटिङ याःगु सिंगापुरं निर्धारित २० ओभरय् ९ विकेट गुमेयानाः १४५ रन दयेकूगु खः ।

नेपाः त्याःगुलि कुशल भुर्तेलं ४७ रन योगदान याःगु खः ।

अथेहे, आसिफ शेखं २७ रन दयेकूगु खःसा कप्तान रोहित पौडेलं ३५ रन व कुशल मल्लं ६ रनय् नटआउट जूगुखः ।

Categorized in कासा