nepal life 2076 3 18

नेपाः व नेतात (चिनाखँ)

रीदेन महर्जन

किपू—१
 
भारतया मोदी सरकारं
मोदीं ध्वँलात झीत
नेपाःया नेतापिं जालय् तक्यन
थपूया फय्खँ गफं जक न्यायेका
आशा क्यंका
झीत दुखः जक बियाच्वनं
सकतां हलंज्वलं बेसाभाः थिके जुल
चीमि जनता म्वाये म्वाःल ।।

उफ् ! न्ह्याथाय् स्वःसां
पेट्रोल, डिजेल, इन्धनया
हाहाकारै हाहाकार
प्यचाखेरं
बिष न्यनाच्वंथे हाकु बजाः
ब्वलानातुं च्वन
सुनानं कजय् कायेमफया च्वन
थन मिखा छलेयाइपिं
खुँ, लुच्चा नेतातय्गु
शोषण, सत्ता धिसिलाना च्वन
दुखःला झी जनतां तुं सियाच्वन ।।

न्ह्याबलें विदेशीया भरय्
म्वायेगु पहः झीगु
थौं म्वाय् चुइकल मखुला झीत ?
जःलाखःला देय् भारतं
स्वाभीमानी नेपाःमिं
जुइमसःपिं नेताःपिं
थौं छ्यातां जुल मखुला
छिमिगु हाकु नुगः

आनं छिमिके ई ल्यं दनि
थःगु तुति चुयाः क्यँ
भ्याः भतिचा न्ह्यपु दःसा
अजाअजिं गथे नेपाः देय्
धस्वाका तःगु खः अथेतुं
नेपाः देय् धस्वाकाः क्यं ।।