Mohanai 2078 KTM

नेपाः बुत, ओमानविरुद्धया मैत्रीपूर्ण कासाय्

नेवा: अनलाइन न्युज – ललेन्द्र शाक्य | २०७८ आश्विन ११, सोमबार १५:३८:००

ओमानविरुद्धया मैत्रीपूर्ण फुटबल कासाय् नेपालं लज्जास्पद हार फयेमाःगु दु । आइतवाः बहनी कतारया दोहाय् जूगु मैत्रीपूर्ण कासाय् नेपाः ओमानलिसे ७–२ गोलअन्तरं बूगु खः । 

ओमानयात त्याकेत अब्दुल्लाजिज अल मुक्बालीं निगू गोल याःगु खः । अथेहे, फामी सेद, मोसेन जाहर, इसाम अल सुभी, मोहसेन अल घासनी व जमिल एल यहमादीं छगू छगू गोल याःगु खः ।

नेपाःया नितिं आयुष घलान व अनन्त तामाङं छगू छगू गोल याःगु खः । साफ च्याम्पियनसिपया तयारीया नितिं नेपाली टिम कतारय् दु । नेपाली टिम कतारपाखें हे साफया नितिं माल्दिभ्स थ्यंकूगु दु ।

मू प्रशिक्षक अब्दुल्ला अलमुताईरीं आइतवाः साफ म्हितीपिं २३ म्ह दुजःया टिमया घोषणा याःगु खः । नेपाः व माल्दिभ्स दथुया कासा असोज १५ गते मालेय् च्वंगु राष्ट्रिय फुटबल स्टेडियमय् जुइ । नेपालं निगूगु कासाय् श्रीलंकालिसे असोज १८ गते म्हिती । नेपालं स्वंगूगु कासाय् भारतलिसे असोज २४ गते व लिग चरणया लिपांगु कासाय् बंगलादेशलिसे असोज २७ गते म्हिती ।

Categorized in कासा