zero media family planning adv

नेपाःया हंस

– जनकवि दुर्गालाल श्रेष्ठ

समस्या धैगु स्वतुमतु स्वःगु

कापू ग्वारा खः

बांलाः मिखां स्वयेवं उकिइ हे 

लुया वै स्वांया फ्वः ।। धु ।।

 

न्ह्याः ह्याः वंलिस्य झाःपाः कंझाः

बगरं पं वै लँय्

वं लिस्य हानं धापलां ख्याः हे 

धापां दं वै लँय् 

लँपु दात धाधां हारे चाचां

फहिला वयेमते न्हां

खःगु लँपुइ हे खः ख्याः वैगु

भ्याः हे ग्यायेमते न्हां

साहस जक या खिउँथाय् नं ल्वी

बुलुहुँ बुलुहुँ जः

छ्यं न्हुइवं जुइ ख्याःया छ्यं नं

गन वं गन वं ग्व ।। १ ।।

 

झीगु थ्वहे खः सत्यगु बाखं

झीगु थ्वहे इतिहास

नेपाः अन ल्वी गन गन नेवाः

नेवाः हे जुइ खास

न्यातपौ देगः स्वयेवं हे गाः

झी गुलि जाःपिं खः

झीगु सँझ्यालं क्वस्वइ च्वन स्व

जिगिजिगि धाःपिं द्यः

वा रे झीसं सिइके थुलिं वा

झी गुलि ग्यंपिं खः

नेपाः देय्या हंस धायेगु हे

केवल झीपिं खः ।। २ ।।

 

सप्तमि चौलाथ्व ११३५, बसुवाः