zero media family planning adv

नेपाःया स्थायी सत्तापाखें भारतीय रोडम्याप स्वीकार (सानुराजा शाक्यया च्वसू)

सानुराजा शाक्य

नेपाःया स्थायी सत्तापक्षया चरित्र थ्व हे खःकि नेपाःया जनतानाप सम्झौता यायेगु स्वयां भारतीय सत्तानाप सहमति थःगु नितिं सहज तायेकीगु । राणा प्रधानमन्त्री मोहन शम्शेरं शुरु याःगु थ्व चरित्र नेपालय् गणतन्त्र वयेधुंकाः संविधानसभां न्हूगु संविधान वयेधुंकाः वःम्ह प्रधानमन्त्री ओली तक थ्यना नं नेपाःया स्थायी सत्ताया थ्व चरित्रय् फेरबदल मवनी । थुकथं हे भारतया नेहरु शुरु याःगु नेपाःयात स्वयेगु नीति भाजपाया नेता प्रधानमन्त्री मोदी जुल नं यथास्थानय् हे दनी । थ्व निगू चरित्रय् गुबले परिवर्तन वइ उबले सायद नेपाः धाःगु देय् विश्वय् धस्वायेपूम्ह जुइ । मखु धइगु खःसा ओली

निसें नेपाःया सत्तापक्ष राजनीतिज्ञतसें भारतं नेपाःया न्हूगु संविधान वल धकाः तम्वयेका नाकाबन्दीयात धकाः भारत विरुद्ध विश्व रंगमञ्चय् तक सः तया अले भारतं मयासा चीन दु धकाः चीनं पेट्रोल तक हयाः क्यना धकाः याःगु दम्भ थुलि याकनं तज्याना भारतनाप सहमति जू कथं प्रधानमन्त्री नं थःगु विदेश भ्रमण न्≈यः संविधान संशोधनंनिसें सीमांकन पुनरालोकन यायेगु राजनीतिक संयन्त्र तक दयेका भारतयात लयेतायेका भारतनापया सम्बन्ध पुलांगु अवस्थाय् तक थ्यंकेत वाध्य जुल ।

अर्थात नेपालय् संविधान संशोधन आन्दोलनरत दलया आवश्यकताया नितिं मखु भारतनापया सहमति कथं यानाः भारत व नेपाःया सत्तापक्षया राणाकालनिसेंया राजनीतिक सम्बन्धया यथावत तयेत स्वीकार यानाः जक प्रधानमन्त्रीया भ्रमण भारतय् राजकीय सम्मान सहित जुल । नेपाली जनतां छु थुइकेमाः धाःसा भारतं राजकीय सम्मान छगू इलय् राणा प्रधानमन्त्री मोहन शम्शेरयात नं बिउगु खः, महेन्द्रयात नं बिउगु खः, वीरन्द्रयात नं बिउगु खः, सूर्य बहादुरयात नं बिउगु खः, गिरिजायात नं बिउगु हे खः, मनमोहन अधिकारीयात नं बिउगु हे खः अले ओलीयानं बिल ।

नेपाःया सत्तापक्षया नितिं मधेसयात विश्वास कायेगु स्वयां दिल्लीयात विश्वासय् कायेगु हे भिं जुइगु तायेका संविधान संशोधननिसें एकतर्फी रुपं सिमाना पुनरावलोकया संयन्त्र दयेका प्रधानमन्त्री दिल्ली वंगु खः धइगु नेपाःया मचां नं थुल । मेखे दिल्लीयात नं नेपाःया राजनीतिक दलतय्त थःगु सहमति मदयेक गुगुं नं कथंया राजनीतिक पलाः न्≈याकल धाःसा उकिया परिणाम गुकथं फयेमाली धकाः दलत चेते जुल, थःगु फेस सेभिङ्ग जुइकथं सत्तारुढ व प्रमुख विपक्षी दलं संविधान संशोधन यानाः थःगु मान तयाः बिल धकाः मख्ख । भारतयात नेपाःया परम्परागत शक्तिं थःगु कुसा दुने च्वनेत तयार जुल धइगु विश्वास दयेवं प्रधानमन्त्रीयात थःगु देसय् वयेगु वातावरण दयेकाबिल । मधेस व नेपाःया मेमेगु समुदाययात थ्व संविधानया यक्व ख“त चित्त बुझे जू मजूनापया भारतया सरोकार मदु मात्र नेपाःया स्थायी सत्तां भारतनापया सम्बन्धयात विशेषरुपं थुइकूसा गाः । नेपाःया स्थायी सत्तां नं थ्व ख“यात वाः चायेका भारतया विकल्प चीन जुइफइगु संभावना मखनेवं संकटया इलय् नं साथ बिउम्ह पासा चीनयात तकं ल्वमंकाः थौं नेपाःया स्थायी सत्ता भारतनाप हे सम्बन्ध बांलाक वनेत वाध्य जूगु खः । थुकी भारतयात आपत्ति दइगु ख“ हे मन्त । भारतं चाहे जूगु फुक्कं काठमाण्डौ नं पूर्ति यायेगु आश्वासन नेपाःया स्थायी सत्तापाखे वःसेलिं नेपाः भारतया दथुइ वंगु छुं ला न्≈यः तक सम्बन्ध स्यंगु दु धइगु ल्वमने धुंकल ।

खय्तला थ्व छुं तःधंगु बयान मखु, प्रत्येक मन्त्री प्रधानमन्त्रीतसें थःगु भारत लगायत विदेश भ्रमणयात सफल धकाः वयानवाजी याइ । प्रधानमन्त्री ओलीया भारत भ्रमण नं ओलीया मिखां ऐतिहासिक सफल जक मखुकि थौंतक नेपाःया सुं नं प्रधानमन्त्रीया भारत भ्रमण स्वयां सफल दावी याइगु हे जुल । आन्दोलनरत व असन्तुष नेपाःया मधेसी व आदिवासी जनजातिया हितय् खास हे प्रयोग मवइ कथं संविधान संशोधन व संघीयताया हे विरोध याइम्ह राप्रपा नेपालया नायः कमल थापाया नेतृत्वय् प्रयोगय् मवइगु सिमांकन संशोधनया संयन्त्रया घोषणा यानाः भारतयात झंगः लानाः हयेकेत सफल जुल धइगु प्रधानमन्त्री लगायत नेपाःया स्थायी सत्ताया थुइका च्वंगु दु । भारतं नं सिउकि संविधान संशोधन व राजनीतिक संयन्त्रं नेपाः दुनेया विरोधयात सम्बोधन याःगु मदु धकाः तर भारतया चासो विरोधयात सम्बोधन याःकि मयाः धइगु स्वयां नेपाःया स्थायी सत्ता थःगु रोडम्याप कथं वनेमाः धइगु हे भारतया चाहना खः गुगु प्रधानमन्त्री ओली भारत भ्रमणय् वनेगु वातावरण दयेकेगु नितिं उपप्रधानमन्त्री व परराष्ट्रमन्त्री कमलथापा मार्पत तःकः भारतनाप संविधान संशोधन व सिमांकन पुनरावलोकन संयन्त्र दयेकेगु बचं बियाः व हे बचं पुरा यानाः जक ओलीयात भारतया दिल्ली दरवारय् मान सत्कार जूगु खः धइगु फुकसिनं सिउ ।नेपाःया प्रधानमन्त्रीतसें भारत भ्रमण वने न्≈यः तक सद्भाव भ्रमण छुं नं सम्झौता जुइमखु धकाः न्ववायेगु याइगु खः गुगु प्रधानमन्त्री ओलीं नं संसद व नेपाःया संचारमाध्यमय् थ्व हे न्ववाना भारत भ्रमणय् वन । तर भारतय् थ्यंकाः थी थी सम्झौता याना वयेगु परम्परायात प्रधानमन्त्री ओलीं नं निरन्तरता बियाः भारतनाप न्हय्गु बु“दाया सम्झौता यानावल । थ्व सम्झौताया तयारी प्रधानमन्त्री भारतय् थ्यने धुंकाः जक विकसित जूगु खः हे मखु यक्व दिं निसें हे तयारी जूसेंली नेपाःया प्रधानमन्त्रीतसें नेपाःया जनताया विश्वास कयाः भारतय् थःनं थ्व थ्व ख“य् सम्झौता याना वयेत्यना धकाः आ“ट याये मपूmगु कारण छाय् ? सत्तारुढ दलया छगः थां जुया समर्थन यानाच्वंम्ह एमाओवादीया पुष्पकमल दाहालयात तकं प्रधानमन्त्री नं थःम्हं भारतय् छुं नं सम्झौता याना वयेमखु धाःगु पीच्याघौ मजाःनिबलय् हे न्हय्गु बु“या सम्झौताय् सही याःगु खनाः स्वय्म पुष्पकमल दाहाल तकं वातां जूगु राजनीतिक वृत्तय् चर्चित जूगु दु ।
सम्झौता कथं नेपालं विद्युत उत्पादनया नितिं भारतीय सहयोग हयेगु स्वयां भारत याके विद्युत न्यानाः नेपाःया लोडसेडिङ्ग चिकेत ग्वहाली जुइगु ज्या यानाः धकाः फुर्ति याःगु खनेदत । थ्व सम्झौता थ्व स्पष्ट याःगु दु कि  भविष्यय् नेपालं विद्युत पिकयाः भारतयात मियेगु धइगु पूमवनीगु म्हगस जक खः भारतया मन नेपाःया विद्युतय् मखु लखय् खः धइगु हानं छक पुष्टि यात । नेपालय् थी थी पहाडी लागाय् उच्च दाय्म दयेका अन मुंगु लः भारतय् यंकेगु अले खुसीबाः नियन्त्रण यायेगु सम्झौताया नितिं राजनीतिक वातावरण दयेकेगु मामिलाय् प्रधानमन्त्रीय भ्रमण सफल जूगु आशंका थन यानाहःगु दु ।