zero media family planning adv

नेपाःया सगरमाथा गया संसारय् बय्बय् जुम्ह हिलारी

२०७३ माघ २०, बिहिबार १२:५४:४५

संसारय् दक्कलय्तजाःगु पर्वत सगरमाथा दक्कले न्हापां गयाः प्रकृतियात चुनौती बीफुम्ह साहसी व्यक्तित्वया कथं विश्व न्यकं बय्बय् जूम्ह मदुम्ह एडमण्ड हिलारीं प्रकृतियात गुब्लय् हे मनूतय्सं त्याके मफैगु ख“ नं धयाथकूगु कम मनूतय्सं जक हे सिइ ।

२९ मे १९५३ स तेन्जिङ नोर्गे शेर्पानाप सगरमाथा गयेत ताः लाःम्ह एडमण्ड हिलारीं उगु इलय् मेगु झिगू तजाःगु हिमाल त नं सफल आरोहण यानाः सं विश्वन्यंक हे छम्ह साहसी पर्वतारोहीया नामं म्हस्यूम्ह मनू खः । नापं दक्षिण ध्रुव व उत्तरी ध्रुवया शाहसिक यात्रा यानां वं साहसिक ज्याय् यक्वसित प्रेरणा नं ब्यूगु खः ।

थथे साहसिक ज्याय् यक्वथाय् ताःलाःम्ह हिलारी भारतया कलकतां निसें वद्रीनाथ तक गंगा खुशिया धारया विपरित याःगु यात्रा “सागरं निसें सर्ग तक”धइगु साहसिक अभियान धाःसा सफल जुइमफूगु खं यक्वसिनं मस्यू थनि स्वीदं न्ह्यः अर्थात सन् १९७७य् हिलारी थुगु “सागरं निसें सर्गतक ” अभियान न्ह्याकूगु खः । थुगु अभियानय् १८ म्ह दुजःत दुगु व उकी हिलारीया २२ दं दुम्ह काय् नं दुथ्याःगु खः । थुगु अतिकं हे ग्यानापुगु अभियानय् जेट डुंगा, एयर इंडिया व न्युजिल्याण्डया टिम दुगु खः । थुगु यात्रा गंगा खुसिया धारया अखतः न्ह्यावनाःकलकतां निसें बद्रीनाथ तक थ्यंकेगु थुगु पुचःया आज्जु खः । सन् १९७७ सेप्टेम्बर २६ तारिख तकया दुने हिलारीया थुगु अभियान गढवालया श्रीनगर तक याउंक हे थ्यंगु खः । उगु इलय् सगरमाथाय् न्हापांगु पलाः तःम्ह हिलारी नाप लायेत यक्व मनूत श्रीनगरय् मुंवगु खः । छुं हे श्रीनगर च्वनाः पूर्ण विश्वास व उत्साह ज्वनाः जेट डुंगां हाकनं अनं बद्रीनाथ पाखे स्वयाः वंगु खः ।उब्लय् हिलारीयात छम्ह पत्रकारं उगु यात्राया सफलता बारे न्यंगु खः वं उकिया लिसलय् धाःगुखः कि “ थ्व मिशन जरुर पूवनी ” अले अनं लिपा पाखां कुहां वयाच्वंगुगंगाया लहरया अखतं जेट डुंगा ब्वाका यंकूगु खः । तर नं द प्रयाग धैगुधासय् थ्य वलय् गगाया लहर विरुद्ध हिलारीया जेट डुंगाया गति धाःसा कायेमफुत ।

यक्व कुतः यानाः नं अनं न्ह्यःने वने मफुसेंलिं हिलारी थःपिनगु मिशन असफल जूगु घोषणा यासें अनं हे सागरनिसें सग तक अभियान क्वचायंकूगु खः । नन्द प्रयागं हे थथे मिसन दिके माबलय् हिलारीं धाल “प्रकृतियात त्याके फइमखु उकिं झीसं प्रकृतियात मानय् यायेमाः ” थथे सगरमाथा नापं यक्व साहसिक अभियानय् ताःहाःम्ह हिलारी गंगाया अभियानय् असफल जुल । छुंधार्मिक विचार धाराया मनूतय्सं गंगा थें ज्याःगु हिन्दुतय् पवित्र खुसिइ थथे अभियान न्ह्याकूगु हुनिंहे गंगा मातां वैत असफल यानाःब्यूगु धकाः मत तसें थःपिनगु धार्मिक आस्था त्याःगु खं पित ब्यूगु खः । अथे नं साहसिक मिसनया खंय् हिलारीयात विश्वं मानय् यायेगु याः । – उखें थुखे