zero media family planning adv

नेपाःया बरिष्ठ सरोदवादक राजोपाध्याययात भारतय् हन

नेवा: अनलाइन न्युज – विजयरत्न | २०७६ माघ २८, मंगलबार १६:४८:५२

सङ्गीत ख्यलय् नांजाःम्ह यलया बरिष्ठ सरोदवादक सुदर्शन राजोपाध्याय भारतय् राष्ट्रिय रत्न अवार्डपाखें  सम्मानित जूगु दु ।

स्वगू दशक न्ह्यःनिसे सङ्गीत ख्यलय् योगदान यानाः वयाच्वंगुयात कदर यासें वरिष्ठ सरोदवादक राजोपाध्याययात भारतया अल इंडिया रियल फर कल्चरल एजुकेशन सोसाइटी, गांधी पीस फाउंडेशन, नेपाल एवं युथ वर्ल्ड एण्ड सोशल मंच , राजस्थानया इंदौरय् विजय नगरया मंगल सिटीइ अन्तर्राष्ट्रिय सम्मेलनय् राष्ट्रिय रत्न अवार्ड एन्ड कन्फेरेशन २०२० पाखे सम्मान याःगु खः ।

थ्व स्वया न्ह्यः एनआरबी फाउण्डेशन एवं भव्या इन्टरनेशनलया ग्वसालय् राजस्थानया विवेकानन्द इन्स्टियुट अफ् टेक्नोलोजीय् न अन्तर्र्रािष्ट्रय सम्मेलनय् राजोपाध्याययात विविधता मे एकता राष्ट्रिय सम्मान २०२० पाखे सम्मान जुयादिगु खः ।

स्वगू दशकनिसें सङ्गीत साधनाय् साधनारत् जुयाः वयाच्वनादीम्ह सरोदवादक राजोपाध्याययात वंगु २०१९ जुलाई १५ य् राजस्थानया जगतपुराय् सुरेश ज्ञान विहार विश्वविद्यालय जुगु अन्तर्राष्ट्रिय मैत्री सम्मेलनय् इन्टरनेशनल इण्डियन बेस्टिज अवार्ड २०१९ लःल्हाःगु खः ।

राजोपाध्याययात सन् २०१३ य् भारतया पश्चिम बङ्गाल सरकारं सङ्गीत मञ्जरी उपाधि लःल्हाःगु खःसा सन् २०१५ य् गुजरातय् सुरिल साँझपाखे स्वर्णपत्र लःल्हाःगु खः ।

सरोदवादन राजोपाध्याय नेपालय् सन् २००२ जुगु रेडियो नेपालपाखे जिल्लाव्यापी सङ्गीत कासाय् न्हाप जुगु खःसा शास्त्र सम्मान २०१८, सेभ दि नेशन अवार्ड लगायतया सिरपाः नाप सम्मानित जुयादी धुकुगु दु ।

Categorized in कला