– लव कर्माचार्य –

दच्छिइ छकः न्ह्याना च्वनीगु थीथी रथया घःचाः तुलीगु खः याः दु ।
नाला करुणामय रथ यात्रा, ये“ करुणामय जनबहाःद्यःया रथ यात्रा, ग्वल गंगामाईया रथ यात्रा, ये“य् शाक्यवंश देवदेवी स्वरुप गणेश, भैरव व कुमारी रथ यात्रा ।
अथेहे धयाथें तुं यल करुणामय बुङ्गद्यःया रथ यत्रा नापं चाकुबहाःद्यःया रथ यत्रा न्ह्याना च्वनी । बुंगद्यःयात न्ह्याउ“गु उन (रक्त वर्ण) जुयाः रातो मच्छेन्द्र नाथ धाइ थें मेकथं सकल प्राणीपिन्त करुणा तया बिज्याइम्ह जुयाः करुणामय वसपोलया नां खः । अन्नदाता छम्ह वसपोल नं खः ।

इन्द्र व मेघदेव वा वयेकीम्ह ईश्वर ये“ महादेवं वा बाय् लः बीम्ह खः । लःया द्यः वरुण द्यः खः । परापूर्वकालय् नेपालय् लः व अन्नं दुःख जुया नितिं इन्द्रं महाद्यवं मानव प्राणीया प्रार्थना पुकार स्वरुप लः वा वर्षा ला बिल, विष्णुं अन्नया बोट वामा मनुष्यया बिन्ति भावं वामा ला सयेका बिल तर वामा जक सल वा मसः । पिने ख्वला दुनेया फुसुलु कःलि अथे जुयाः आः अन्नया लागिं गन पुकारय् याः वने धकाः दिक्क जूबलय् विष्णु भारतया कामारुकामाक्ष वनाः अन्नया द्यः करुणामय नेपालय् हयेफत धाःसा वा सयेका बी धैगु ख“कथं अन वनाःद्यः बिज्याकि धैगु आज्ञाकथं वहे आदेशया ख“ न्यनाः ख्वपया जुजु नरेन्द्र देव, यलया ललितचक्र कृषक, ये“या बन्धुदत्त आचार्य वनाः तान्त्रिक स्वरुप स्वम्ह पुरुषया मेहनतं वसपोल करुणामययात बिज्याकाः थ्यंकाबिल ।
थुकी टौदहया कर्कोटक नाग व प्यम्ह भैरवया नं ग्वाहालि दु । कर्कोटक नागं शिलानदी तां छुना बिज्याःम्ह प्यम्ह भैरवं खटं नोलं क्वबुयाः बिज्याकूम्ह वसप्वल करुणामय खः ।

उकिंबुं्गद्यःया प्यचाः घःचाःया प्यम्ह भैरव व घःमाः कर्कोटक नागया स्वरुप धैगु धापू न्यने दु ।
उकिं हरेक द्यः खटय् प्यचाः घःचा हे प्यम्ह भैरव व घाःमा नाग स्वरुप व घःमाःया ख्वाःपवाः द्यःपिनि आशन धैगु न्यनेदु ।
आः चैत चौलाथ्वया अष्टमि खुन्हु जनबहाःद्यः जमलं तिनख्यः, भोटाहिति जुयाः असं याः, असनं केल, वंघः, मखं जुयाः लाय्कू याः, लाय्कुलिं मरु, अट्को, पोर, चिकंमू, मजिपात, जैसिदेगः, न्हूघः, ज्याःबहाः जुयाः लगंया लगमय् थ्यना नं मां व माजु सिमा स्वचाः चाहुला पुरा जुइ व लगं याः न्याइ । चौलागा पारु खुन्हु बुंगद्यः लगंख्यः दबुलिइ न्हवं जुयाः बछछलाथ्व पारु खुन्हु रथारोहण जुयाः बछलाथ्व चतुर्थि खुन्हुनिसें बुंगद्यःया रथ याः न्ह्याइ ।
यलया पुलचोक बाय् पूच्वं नटोल, कुसननि, गाःबहाः याः, गाःबाहालं महापाः, मंगः, सौगः, लु“हिति, नुगः याः, नुगलं ओकुबहाः, थाबहाः, तंगःथरि जुकाः लगंख्यः थ्यनां नं लगं न्हवं दबू माजु सिमा चाहुके धुनेव नैंक्याः लुइगु, नैंक्यालं लुइ धुनेव साइत स्वइ व जाउली याः । वयां प्यन्हु खुन्हु भ्वतयाः वया नं प्यन्हु खुन्हु बुंगय् करुणामय प्यन्हु विचाः धुनेव जात्रा क्वचाइ ।

प्रत्येक बैशाख शुक्लया बछला पारु या परेवा खुन्हु निसें न्ह्याइगु बुंगद्यःया रथ याः यल तःबहालं रथय् बिज्याकाः रथारोहण जुइ धुनेव जात्रा न्ह्याइ । रथय् नं जात्रा सिमधःतले रथय् विराज जुयाच्वनी । जेठ, असार, साउन, भदौया योनि छगू साल धाय्बलय् वंगु वि.सं. २०११ सालय् नवरथया पचिम¥हः खुन्हु नं भोट केनेमाःगु जुयावंगु दु ।

साइतय् चूमलाकं ज्याउली याः न्ह्याइमखु, हाकनं जेष्ठ, असारं अनला लाइबलय् ला जात्रा लिज्यानाच्वनी । थुगुसी ला बछलां अनला लिज्इाःगुलिं लच्छि लिज्यां वंगु जुल । झिंनिद“य् छकः करुणामय बुंगं साला हयाः नेखु प्रभावती छिकाः पाखं थत हयाः यंसिंख्यः आसपास सालायंकाः पूच्व थ्यंकाः पूच्वं साविकरुपं द“य्दसं थें यल नगरया थीथी याः गाःबहाः, नुगः, लगं व ज्याउली व भोट याः धुनेवं ज्याउलिख्यः थ्यंक रथं हे साला यंकाः भोट याः क्वय्काः तिनि जात्रा क्वचाइ ।
करुणामय मच्छिन्द्रनाथ नाप मीननाथ चाकुबहाःद्यः रथ या नं बछलाथ्व चौथि खुन्हुनिसें न्ह्याइगु जुयाच्वनी । झिंनिद“या करुणामय मेला जोर सालय् आपाः लानाच्वनी । गथे वि.सं. २०००, २०१२, २०२४, २०३६, २०४८, २०६० व आः वैगु झिंनिद“ बुंग रथ या न्ह्याइगु साल वि.सं. २०७२ सालय् लाइ ।
झिंनिद“य् छकः निकः हय जात्रा ताःछाना च्वनी करुणामययात यल तःबहालं रथय् बिज्यानाः भोट जात्रा धुनेवं बुंगय् बिज्याकाः बुंगय् शिखर शैलीया देगलय् विराजमान जुया बिज्या कथं बुंगद्यः धयातःगु खः । उकिं दक्षिणायण बुंगय््, उत्तरायण यल तःबहालय् व रथय् बिज्यानाच्वनी ।नेपाःया दकले ताःहाकःगु याः