zero media family planning adv

नेदरल्यान्डया जुजु लानिपिसं छ्यला च्वंगु लुंया बग्गि म्युजियमय् ब्वइगु

नेवा: अनलाइन न्युज – विजयरत्न | २०७७ भाद्र २६, शुक्रबार १७:२६:१५

सन १८९८ निसें जुजु महारानीपिसं विशेष समारोहस छ्यला वया च्वंगु तसकं नांदंगु लुंया बग्गियात छ्यलेगु दिका आम्सटरडम म्युजियमय् ब्वसाकथं ब्वयेगु धका नेपाल सम्बत ११४० यंलागा षष्ठी ९८ सेप्टेम्बर २०२०० कुन्हु नेदरल्यान्ड सरकारं घोषणा यागु दु ।

सन् १८९७ व १८९८ या दथुइ आमस्टरदमया राइटाउख कारखानाया भिरएच गबर स्पाइकरं डिजाइन याना लुंजक भुना दयेका तःगु थुगु बहुमूल्यवान बग्गिइ बाम्ह बाम्ह पचिनांगा पिं हाकुपिं दास मिसामिजंतय् त लानिया तुतिइ छयों क्वछुका थीथी सामानत देछायेगु यानाच्वंगु किपा नं दुगुलिं थ्व लुंया बग्गियात नेदरल्यान्डया औपनिवेशिक इतिहास व दास प्रथायात च्वछाइगु गलत ज्याया प्रसय बीगु कथं जुल धयागु खंय विरोध जुया वयाच्वंगु खःसा खास सन् २०११ निसें सीदयेक थ्व बग्गिलय ब्वयातःगु किपातयेत कया  बिरोधया सः पिदना वयाच्वंगु खः । तर थ्व खँय् सरकारं छुं पला च्वयेकेमागु थ्यंक्क मतायेका  न्हायपं प्वा तिना वया  च्वंगु खः । तर थुगुसि अमेरिकाय् कोरोनाया इलय थ्यंक नं तुयुपिं पुलिसतयसं छम्ह हाकुम्ह मनुयात निर्ममतापूवर्क स्यागु खंय अमेरिका नापं विश्र्वन्यंक हे हाकुपिंत जुयावइच्वंगु अत्याचारया बिरोधय तधंगु बिरोध प्रदर्शनत जुल । थ्व हे झ्वलय् नेदरल्यान्ड य् नं ‘ब्लायक लाइफ मायतर’ धका बिरोधत प्रदर्शनत जूगु खः । 

हाकुपिंत जुयावयाच्वंगु  विभेद व अत्याचारया बिरोधय् जूगु थ्व प्रदर्शनया क्रमय हे वंगु मे महिनाय् तदँ न्ह्यो निसें नेदरल्यान्ड य् च्वना वयाच्वंम्ह युवा राजनीतिक अभियानया ९पोलिटिको योंगर० संयोजक जुयाच्वंम्ह नुगः श्रेष्ठं थनया सरकारयात थ्व लुंया बग्गियात छ्यलेगु दिका म्युजियमय् तयेत इनाप यासें थनया प्रतिनिधिसभायात छगू विरोधपत्र लल्हागु खः । 

आतक्क थ्व अनलाइनय बिरोध पौयात करिब च्याद्वः मनुतयसं  सहि याना समर्थन क्यने धुंकूगु दु । 

आम्सटरडम म्युजियमय् ब्वसाकथं लुंया बग्गियात तयेगु नेदरल्यान्ड सरकारया ज्यायात जुजु विलियम अलेक्जान्दरं ईया माग कथंया पलाः खः धका समर्थन यागु दु । अथेहे राजनैतिक पार्टित गथे कि समाजवादी पार्टि व ग्रिन पार्टि लगायत रंगभेद विरोधी बुध्दिजीवीतयसं नं डच सरकारया थ्व ज्यायात लसकुस याःगु दु । मेखे फोरम फर डेमोक्रेसि व पिभिभि पार्टिया नेता खेर्ड वाइल्डर लगायतया अतिराष्ट्रवादि रंगभेदवादी नेतातयसं धाःसा प्रधानमन्त्री मार्क रुतं बामपंथितय् खँ न्यना नेदरल्यान्ड या इतिहासयात हुइगु ज्या यात धकाः कुंख्युंगु दु ।   

थीथी नेदरलन्द टेलिभिजन च्यानल व डच पत्रपत्रिकातयसं न्यंगु न्ह्यसःया लिसलय् युवा राजनीतिक अभियानया संयोजक नुगः श्रेष्ठं नेदरल्यान्ड या दास प्रथा व रंगभेदवादी इतिहास कघानातःगु लुंया बग्गियात म्युजियमय तयेगु डच सरकारया निर्णय पायछि निर्णय खः धका लसकुस यानादिसें थुकें छथ्व मनूतय नुगलय स्यात जुइ तर थ्व न्हूगु शुरुवात खः  धका धासे थौंया ईलय सकलें मनू समान खः धयागु भावनां न्ह्यज्यायेमागु खँय बः बिया दिगु खः ।  

लुंया बग्गियात मेगु दँ २०२१ या जुन निसें नोभेम्बर तक आमस्टरदमया म्युजियमय् जनमत न्यने कने याये कथं ब्वया तइगु जुल । तर वयांलिपा छु यायेगु धकाः सरकारं आःतक्क   छुं त्याजिंगु निर्णय धाःसा यागु मदुनि ।

Categorized in अन्तर्राष्ट्रिय