zero media family planning adv

नेकपा नेताया गाडी तोडफोड, ज्याझ्वः मयायेत धम्की

नेवा: अनलाइन न्युज – ललेन्द्र शाक्य | २०७७ फाल्गुण १०, सोमबार ११:३९:२९

काभ्रेपलाञ्चोकया चौंरीदेउराली गाउँपालिका ५ य् नेकपाया केन्द्रीय नेता च्वनावंगु गाडी वंगु चान्हय् तोडफोड यानाः मिँ तयेगु कुतः याःगु दु । गाउँपालिकाया ५ नम्बर वडा कमिटी विस्तार यायेगु थौं सोमवाःया ज्याझ्वःया नितिं अन वंम्ह नेता बास च्वंगु छेँ लिक्क पार्किंग यानातःगु बा१५च ७८२१ ल्याःया गाडी तोडफोड जूगु खः ।

थ्यंमथ्यं छगू दर्जन मोटरसाइकलय् वःगु पुचलं नेता बास च्वंगु नेकपाया जिल्ला दुजः शिव गौतमया छेँ लिक्क पार्किंग यायेगु झ्वलय् चान्हय् १०ः३० ता इलय् गाडी तोडफोड यायेगु सुरु याःगु खः ।

गौतमया कथं चालकं पार्किंग यायेमलावं हे गाडी त्वःताः बिस्युं वंगु खः ।

गौतमं धाःगु दु, पेट्रोल लिका, मिँ तयेमाः धासें वहे गाडीपाखें पेट्रोल लिकायेगु कुतः याःबलय् नेता व स्थानीयबासी प्रतिकारय् क्वाहाँ वयेधुंकाः उगु पुचm बिस्युं वंगु खः ।

केन्द्रीय दुजःपिं आइतवाm चौंरीदेउरालीया हे धुसेनीइ ज्याझ्वः यानाः नेता गौतमया छेँय् बास च्वंगु खः ।

उगु छेँय् नेकपाया केन्द्रीय दुजःपिं चुडामणि गौतम, रीता ढकाल व प्रकाश गौतम लिसें जिल्ला नेता लेखराज गौतम, इन्द्रबहादुर तामांग लिसेंया १६ म्हेसिगु पुचः बास च्वंगु खः ।

उगु आक्रमणकारी पुचलं मेगु थासय् बिरुवाय् तक. नेता बास च्वंगु तिलक गौतमया छेँ न्ह्यःने चान्हय् तःक्वःमछि मोटरसाइकल घार्रघुर्र यानाः धम्कीया ख्याच्वः ब्यूगु नेता गौतमं धाःगु दु । वया कथं चौंरीदेउरालीइ छुं नं ज्याझ्वः मयायेत प्रचण्ड माधव पुचःया नेतां धम्की बियाच्वंगु खः ।

जिमिगु हि बाः वंगु थासय् मेपिं सुनानं ज्याझ्वः यायेदइमखु धासें धम्कीं जाःगु भासं प्रचण्ड माधव पुचःया स्थानीय जनप्रतिनिधिलिसें नेतापिन्स. थःपिन्त धम्की बियाच्वंगु नेता गौतमं धाःगु दु । वया कथं गाउँपालिका नायः दीननाथ गौतम व स्थानीय नेता मुकुन्द गौतमं जिल्ला नेता इन्द्रबहादुर तामांगयात तकं वहे भासं तःक्वःमछि धम्की बियाः वयाच्वंगु दु ।

पूर्वमन्त्री लिसें नेकपाया केन्द्रीय दुजः गोकुलप्रसाद बाँस्कोटां आक्रमणकारीपिन्त कानूनी दायराय् हयेत सम्बन्धित निकाययात आग्रह याःगु दु । बाँस्कोटां धाःगु दु, छापामार शैलीं आक्रमण जूगु दु, जनमत घटेजुइधुंकाः याःगु थुज्वःगु जंगली हर्कत सफल जुइमखु, विरोध यायेदइ तर विरोधया नामं आक्रमण मखु । बास्कोटां सामाजिक संजालपाखें तकं नेकपाया हे मेगु पुचःयात हासा मथायेत धाये, जिमिसं सामना याये, बिस्युं वनेमखु धकाः धाःगु दु ।

कोशी पूर्वय् च्वंगु उगु गाउँपालिकाय् नेकपां संगठन विस्तार यानाच्वंगु अवस्थाय् ज्याझ्वः मयायेत छुं वाः न्ह्यःनिसें हे धम्की वयाच्वंगु चौंरीदेउराली गाउँपालिका निवासी लिसें युवा संघया जिल्ला कजि विक्रम चौलागाईं नं धाःगु दु । वया कथं गाउँपालिकाया कात्तिकेदेउराली व विर्तादेउरालीइ ज्याझ्वः मयायेत व याःसा आक्रमण जुइगु धम्की ब्यूगु खः ।

इलाका प्रहरी ज्याकुथिया प्रमुख प्रहरी निरीक्षक पवनकुमार झा नं घटनाबारे अनुसन्धान जुयाच्वंगु धाःगु दु ।

Categorized in दुर्घटना-अपराध