prabhu baink new

नेकपा कार्यदलया न्याम्हं हे मन्त्री जुइगु

नेवा: अनलाइन न्युज – ललेन्द्र शाक्य | २०७७ भाद्र १, सोमबार ११:१०:५९

सत्तारुढ दल नेपाल कम्युनिष्ट पार्टी (नेकपा)या विवाद ज्यंकेगु नितिं नायःपिं निम्ह केपी शर्मा ओली व पुष्पकलम दाहाल प्रचण्डया सहमतिइ ६ म्ह दुजःया कार्यदल नीस्वंगु दु । उगु कार्यदलया कजि पार्टीया महासचिव विष्णु पौडेल खः । व, नायःपिं ओली व प्रचण्ड लिक्कया निम्ह निम्ह व बरिष्ठ नेता माधवकुमार नेपाल पुचःपाखें  निम्ह दुजः दु ।

ओली पुचःपाखें कजिं पौडेल व स्थायी कमिटी दुजः शंकर पोखरेल खःसा प्रचण्ड पुचःपाखें स्थायी कमिटी दुजःपिं जनार्दन शर्मा व पम्फा भुसाल खः । उखे, बरिष्ठ नेता नेपाल पुचःपाखें स्थायी कमिटी दुजःपिं डा. भीमबहादुर रावल व सुरेन्द्र पाण्डे खः ।

नेकपा दुने सहमतिया खाका दयेकेखतं मन्त्रिमण्डल पुनर्गठन जुइगु, सु सु जुइ मन्त्री

कार्यदल नीस्वने न्ह्यः हे निम्ह नायःपिं दथुइ मन्त्रिमण्डल पुनर्गठन यायेगु सहमति जूगु खः । नेकपा उच्च स्रोतं ब्यूगु जानकारी कथं न्हूगु नीस्वंगु कार्यदलया कजि विष्णु पौडेलबाहेक फुक्क दुजःपिन्त मन्त्रिमण्डल पुनर्गठान याइबलय् मन्त्री याइगु मोतामोती सहमति ओली व प्रचण्ड दथुइ जूगु दु ।

ओलीं मन्त्री पदया जाल वांछ्वयेधुंकाः विरोधी पुचः तित्तरबित्तर

नायःपिं ओली व प्रचण्डदथुइ मुख्यमन्त्रीपिं नं हिलाबुला यायेगु सहमति जूगु दु । प्रदेश ५ या मुख्यमन्त्री शंकर पोखरेलं मुख्यमन्त्री त्वःताः केन्द्रय् वयेगु चाहना तःगु दु । पार्टी दुने आन्तरिक द्वन्द्व ब्वलनेधुंकाः नायः ओलीं पोखरेलयात येँय् सःतूगु खः । पोखरेल वंगु असार १० गते थुखे प्रायः येँय् हे च्वनाच्वंगु दु ।

अय्सां ओली व प्रचण्ड दथुइ जूगु लिपांगु सहमतियात कयाः बरिष्ठ नेतापिं झलनाथ खनाल व माधव नेपाल, प्रवक्ता नारायणकाजी श्रेष्ठ असन्तुष्ट जुयाच्वंगु दु । इमिसं तत्काल सचिवालय बैठकया माग याःगु दु । वहे कथं नेकपा सचिवाल बैठक च्वनीगु तयारी जूगु दु ।

Categorized in राजनीति