swastha 3

नेकपा एमाले केन्द्रीय नेता सुरेन्द्र मानन्धरया अबुजु मन्त

नेवा: अनलाइन न्युज – ललेन्द्र शाक्य | २०७८ भाद्र २७, आइतबार १६:३८:३०

एमाले बागमती प्रदेश सल्लाहकार समितिया दुजः सुबिन्द्र महर्जनया जहान व एमाले नेता शिवहरी थापा मन्त

नेकपा एमालेया केन्द्रीय दुजः लिसें युवा नेता किपूया सुरेन्द्र मानन्धरया अबुजु सिद्धिलाल मानन्धर आकाझाकां मन्त । 

नेता भाजु मानन्धरया अबुजु कोरोना संक्रमणया हुनिं मदुगु जानकारी पारिवारिक श्रोतं जानकारी ब्यूगु दु ।

ने.सं. ११४१ यंलाथ्व चतुर्दशी (२०७८ भाद्र २५ गते) शुक्रवाः नेता मानन्धरया अबुजु मदुगु खः । मदुम्ह सिद्धिलाल मानन्धरया शनिवाः पशुपति दीपय् अन्तिम दाहसंस्कार जूगु खः ।

अथेहे, नेकपा एमाले बागमती प्रदेश सल्लाहकार समितिया दुजः किपूया सुविन्द्रनारायण महर्जनया जहान नं भाद्र २५ गते शनिवाः हे आकाझाकां मन्त ।

थ्वहे झ्वलय् नेकपा एमाले किपूया हे नेता शिवहरी थापा नं भाद्र २५ गते शनिवाः हे मन्त ।

नेकपा एमालेया स्वम्ह व्यक्तित्वपिं आकाझाकां मदुगुलिं पार्टीपाखें श्रद्धाञ्जलि देछाःगु दु ।

Categorized in स्थानिय-समाज