नेवा: अनलाइन न्युज – ललेन्द्र शाक्य | २०७९ चैत्र १, बुधबार १५:०९:३५

नेपालभाषा संगीत ख्यः सदां झःझः धयाच्वनेमा धैगु भलसा ज्वना न्ह्यानाच्वंपिं कलाकारपिनिगु सक्रिया, योगदानपाखें हःपाः कासें कृष्ण डंगोल व नांजाःम्ह म्येहालामि नीशा देसारया सलय् थ्वयाच्वंगु नेपालभाषाया म्येया म्यूजिक भिडियो पिदनीगु जूगु दु ।

विक्रम शाक्यं च्वयादीगु व नारायणबहादुर महर्जनं लसय् हनादीगु उगु म्येया म्यूजिक भिडियो सुजन बज्राचार्य ख्वपय्या निर्देशनय् निर्माण जूगु खः ।

छेनेक्स मिडिया प्रा.लि.या न्ह्यब्वया उगु म्यूजिक भिडियोय् मनोज महर्जन व निरिशा महर्जनया मू भूमिका दुथ्यानाच्वंगु दु । अथेहे, उगु म्यूजिक भिडियोया सह निर्देशन रचु शाक्य, सम्पादन व कलर अनिलकुमार महर्जनं यानादीगु दुसा छायाँकन मोहनकुमार झिल्लुं यानादीगु दु ।

थुगु म्यूजिक भिडियो ने.सं. ११४३ चिल्लागा नवमी (२०७९ चैत्र २ गते) बिहिवाः पितब्वज्या जुइगु जानकारी छेनेक्स मिडिया प्रा.लि.या प्रबन्ध निर्देशक अनिलकुमार महर्जनं बियादीगु दु । महर्जनया कथं उगु म्यूजिक भिडियो यलया नःत्वाः पूच्वः मदन स्मारक स्कूले न्ह्यःने च्वंगु एम्बिएन्स रेष्टुरेन्टय् सनिलया प्यता इलय् जुइगु जानकारी बियादीगु दु ।

उगु म्यूजिक भिडियो पितब्वज्या ज्याझ्वलय् सकलसित उपस्थितिया नितिं ग्वसाः खलकं इनाप याःगु दु ।

Categorized in कला