prabhu baink new

निर्वाचन आयोगय् दर्ता यात ...नेकपा एमाले...

नेवा: अनलाइन न्युज – ललेन्द्र शाक्य | २०७७ भाद्र ३, बुधबार १६:०६:५६

निर्वाचन आयोगं नेकपा एमाले नांया न्हूगु पार्टी दर्ता याःगु दु । वंगु असार १२ गते दल दर्ताया नितिं आवेदन लाःगु खः ।

तत्कालीन नेकपा एमाले व नेकपा माओवादी केन्द्र एकीकरण जुयाः नेपाल कम्युनिष्ट पार्टी (नेकपा) निर्माण जूगु खः । वधुंकाः थुखे एमाले अस्तित्वय् मदूगु खः ।

नेकपा एमालेया नामय् दल दर्ताया निवेदन लाःबलय् नेकपा दुने हलचल हे ब्वलंगु दु । प्रधानमन्त्री केपी शर्मा ओलीया हे इशाराय् दल दर्ताया कुतः जूगु द्वपं तकं प्रचण्डलिसेंया नेतापिन्सं ब्यूगु खः ।

निवेदन लाःगु थ्यंमथ्यं निला लिपा आयोगं दल दर्ता याःगु खः । न्हूगु नीस्वंगु नेकपा एमालेया नायः पदय् सन्ध्या तिवारी व महासचिव मनिषकुमार उपाध्याय च्वंगु दु ।

पार्टीं थःगु थापय् डाँडाय् त्वयाच्वंगु सूर्द्यः तःगु दु । कानून कथं फुक्क मापदण्ड पूवंगुलिं दल दर्ता यायेगु निर्णय काःगु छम्ह आयुक्तं धाःगु दु । वया कथं नेकपा एमाले नेपाःया १३२ औं पार्टी जूगु दु ।

Categorized in राजनीति