prabhu baink new

निर्देशक सुरेश खड्गीं गुरु पुजा याना संकिपाया घोषणा यात

नेवा: अनलाइन न्युज | २०७७ आषाढ २१, आइतबार २०:४७:४४

नेवाः संकिपा ख्यलय् छम्ह निर्माता अले कलाकारया रुपय् म्हसीका दयेके धुंकुम्ह संकिपामि सुरेश खड्गीं थौं आइतबार गुरु पुन्हिया लसताय् थ्व संकिपाख्यःया थः गुरुपिं  नांजाम्ह संगीतकार सुमन कपाली , नांजाम्ह संकिपा च्वमि शंकर खड्गी व नांजाम्ह संकिपा च्वमि , निर्देशक व संकिपा कलाकार कथं नांजाम्ह राजेशमान सिंयात हनाबनातसे गुरु पुजा याःगु दु । संगीतकार सुमन कपालीया हिसि स्टुडियोस् जूगु ज्याझ्वलय् निर्देशक खड्गीया निर्देशनय् दयेके त्यंगु निगु संकिपाया घोषणा नं याःगु खः । उकी मध्ये छगु संकिपाया नां “झीगु कर्म” खःसा थ्व नेपालभाषां निर्माण जुइ । शर्टफिल्मया रुपय् दयेकीगु मेगु संकिपाया नां आःयात “वन वे” धका तःगु दु । थ्व शर्ट फिल्म धाःसा खस नेपालीभाषं दयेकीगु जूगु दु । 

निर्देशक खड्गीं कनादीकथं “वन वे”नांयागु शर्टफिल्म थ्वहे झिन्हुझिन्यान्हु दुने शुटिङ्ग क्वचाइगु खँ दुसाः थुके सुरज नापित , आराध्यलक्ष्मी खड्गी व जुनु प्रजापतिया मू भुमिका दइगु जूगु दु । संकिपा ख्यलय् नांजाम्ह निर्देशकया नापनापं समाःकःमि सनमकुमार श्रेष्ठं च्वयादीगु थ्व शर्टफिल्मया क्यामेरामाएन अमर चित्रकारं यानादीसा निर्देशक सुरेश खड्गी निर्माता सुजन श्रेष्ठ खः ।

Categorized in कला