nepal life 2076 3 18

निराजन महर्जन थ्री स्टार क्लबलय् हे च्वनीगु

नेवा: अनलाइन न्युज – ललेन्द्र शाक्य | २०७८ भाद्र ४, शुक्रबार १३:०१:२२

युवा डिफेन्डर निराजन महर्जन न्हूगु सिजनया नितिं ए डिभिजन क्लब थ्री स्टार क्लबय् हे च्वनीगु जूगु दु ।

महर्जनं शुक्रवाः यलया क्लब थ्री स्टारलिसेया सम्झौता नवीकरण याःगु दु । निराजनं सम्झौता नवीकरण याःगु थ्री स्टार क्लबं शुक्रवाः सामाजिक संजालपाखें जानकारी ब्यूगु खः ।

वइगु कार्तिक २९ गतेनिसें न्ह्याइगु सहिद स्मारक ए डिभिजन लिगया नितिं थ्री स्टारं निराजनलिसेया सम्झौता नवीकरण याःगु खः ।

निराजनं नेपाःया यू १२, यू १४, यू १८ व यू १९ राष्ट्रिय टोलीपाखें प्रतिनिधित्व यायेधुंकूगु दु । अथेहे, निराजनं सन् २०१८ स थ्री स्टारया यू १८ टिमया कप्तानी याःगु खः ।

थ्री स्टारं थ्वसिबें न्ह्यः हे कप्तान विक्रम लामा, डिफेन्डर अनन्त तामाङ व निशान खड्का, मिडफिल्डर संजोग राई, मनाग्य नकःमिलिसेया सम्झौता नवीकरण यायेधुंकूगु दु ।

अथेहे, थ्री स्टारं राष्ट्रिय टिमया युवा मिडफिल्डर आयुश घलानयात नं क्लबय् दुकायेधुंकूगु दु । लिसें मिडफिल्डर डोना थापा व क्यामरुनी डिफेन्सिभ मिडफिल्डर राफायल बिडीयस रिमयात नं अनुबन्ध याःगु दु ।

Categorized in कासा