Arin Enterprises

निगू अर्ब तका दांया ल्वाभः न्यायेगु तयारीइ सेना

नेवा: अनलाइन न्युज – ललेन्द्र शाक्य | २०७९ कार्तिक २०, आइतबार ११:३५:३६

नेपाली सेनां निगू अर्ब तका दांया ल्वाभः न्यायेगु प्रक्रिया न्ह्यःने यंकूगु दु । सेनां अमेरिकापाखें कोल्ट कमाण्डो सिरिजया ल्वाभः हयेगु प्रक्रिया न्ह्यःने यंकूगु स्रोतया दाबी दु ।

थ्वसिबें न्ह्यः नेपाल प्रहरीं १ अर्ब ३५ करोड तका दांया ल्वाभः न्यायेत्यंगु खः । वमधये ८४ करोड तका दांया ल्वाभः न्यायेगु प्रक्रिया न्ह्यःने वंगु जूसां नं विरोध जुइधुंकाः रोक्का जूगु खः ।

नेपाली सेनायात धाःसा सरकारं निगू अर्ब तका दां बराबरया ल्वाभः न्यायेत स्वीकृति बिइधुंकाः उगु ल्वाभः नेपाः हयेगु तयारी जूगु दु ।

स्रोतं धाःगु दु, ‘सरकारयाके डलर अभावया हुनिं छुं लिपा लाःगुु खः । सरकारं अमेरिका छ्वयेगु डलर व्यवस्था यायेखतं ल्वाभः नेपाः दुहाँ वइ ।’

निगू अर्ब तका दां बराबरया विदेशी मुद्रा अमेरिका छ्वयेत अर्थ मन्त्रालय व नेपाल राष्ट्र बैंकया लिपांगु निर्देशनया हुनिं पंगः जुइधुंकाः द्यूगु सेनां जानकारी ब्यूगु दु ।

नागरिक न्हिपौपाखें

Categorized in पत्रपत्रिका