Newa Ekata Diwas Gosthi Adv

निगूपक्षीय समझदारी कार्यान्वयन यायेत नेपाः वयागु खः जि ः चिनियाँ रक्षामन्त्री वेइ

नेवा: अनलाइन न्युज – ललेन्द्र शाक्य | २०७७ मङ्सिर १४, आइतबार १३:२८:००

चीनया राज्यपरिषद् दुजः लिसें रक्षामन्त्री वेइ फेंगहें चीन व नेपाःया राष्ट्राध्यक्ष लिसें सरकार प्रमुखया तहलय् जुगु निगूपक्षीय समझदारी कार्यान्वयनया झ्वलय् थः नेपाःया चीहाकःगु भ्रमणय् वयागु धाःगु दु ।

त्रिभुवन अन्तर्राष्ट्रिय विमानस्थलया विशिष्ट कक्षय् गृहमन्त्री रामबहादुर थापा बादललिसें उच्च अधिकारीं लसकुस यायेधुंकाः चीहाकलं नुगःखँ तसें चिनियाँ विशिष्ट पाहाँ नं थःथवय् सैन्य ग्वाहालि अभिबृद्धि यासें निगू देसदथुया विद्यमान स्वापूयात थप सुदृढ यायेगु नितिं थःगु भ्रमणया आज्जु जूगु स्पष्ट याःगु खः ।

चीन व नेपाःदथुइ सबल लिसें सुदृढ स्वापू दूगु जानकारी बिसें वय्कलं उकियात न्हूगु उचाइस थ्यंकेगु आज्जुया लिसें थः नेपाः वयागु धाःगु दु ।

कोभिड १९ या इलय् हे जूगु थःगु भ्रमणया विशेष महत्व जुइगु धासें वं धाःगु दु, भ्रमण परिणाममुखी जुइगुलि जि विश्वस्त जुयागु दु । कोभिड १ं९ या हुनिं भ्रमणय् छुं विलम्ब जुल ।

रक्षामन्त्री वेइयात गृहमन्त्री बादल, रक्षामन्त्रालयया सचिव रेश्मीराज पाण्डे, नेपाली सेनाया रथी प्रभुराम शर्मा, नेपाःया नितिं चीनया राजदूत हाउ यान्छी, परराष्ट्र मन्त्रालयया सहसचिव कालीप्रसाद पोखरेल लिसेंयापिन्सं लसकुस याःगु खः । चिनियाँ विशिष्ट पाहाँ २१ म्ह दुजःया प्रतिनिधि मण्डलया नेतृत्व यासें विशेष विमानपाखें येँय् थ्यंकूगु खः । प्रतिनिधि मण्डलय् जनमुक्ति सेनाया उच्च अधिकारी नं दूगु खः ।

थौं आइतवाः हे रक्षामन्त्री वेइ नं राष्ट्रपति विद्यादेवी भण्डारी व रक्षा मन्त्रालयया तकं कार्यभार कःघानाच्वंम्ह प्रधानमन्त्री केपी शर्मा ओलीलिसे ब्यागलं ब्यागलं शिष्टाचार नापलाये ज्या जुइगु व प्रधानसेनापति पूर्णचन्द्र थापालिसे निगूपक्षीय वार्ता याइगु ज्याझ्वः दु ।

Categorized in राष्ट्रिय