नेवा: अनलाइन न्युज – निश्चल | २०८० आश्विन १, सोमबार १९:२७:३६

येँयाःजात्रा न्हयाःगु कथं हलुमानध्वखा लाय्गुलिं थनिगु यःसिं द्यः येँया भोेताहिति दुवातय् हयेत्यंगु दु ।

ख्वप जिल्लाया नालांया यःसिं बुा निसें सालाः थौ सोमवाः भोेताहिति दुवातय् हयाच्वंगु खः । केन्द्रिय मानन्धरं सघया छ्यञ्जे गजेन्द्र मानन्धरं ब्यूगु जानकारी कथं थौं सुथय् ७ बजे निसें थथे साला हयेगु ज्या जुगु खः । न्हापा लिपा निनू यानाः सालेगु यानाच्वंथगु खःसा थुगु दँय् छन्हू सालेगु याःगु खः । थौं हे बहनिं लिबाक जुसा भोताहिति थ्यनेत्यंगु दु ।

थथे भोताहिति तयाः यःसिं द्यःयात असाज ६ गते सुथय् साइत कथं १०।३९ बजे नगर प्रबेश याकाः लायकु तक सालिगु जुगु दुसा असोज ९ गते साइत कथं सुथय् १०।३७ बजे लायकुलिं थनेत्यंगु दु । थथे यःसिं थनेवं थुगु न्हिं निसें येँया न्ह्याइ । थथे न्यान्हू यकं येँयाः जात्रा न्ह्याये धुंकाः असाज १५ गते बहनिं साइत कथं ८।३७ बजे यःसिं क्वथला येँया जात्रा क्वचाकीगु याइ ।

यःसिं थनेगु व क्वथंलेगु व येँ तक हयेगु ब्यबस्थापन येँया सायमीतय्सं याइगु परम्परा दु ।

Categorized in स्थानिय-समाज