nepal investment baink

नागरिक उन्मुक्ति पार्टीया विवाद : रेशम व रंजिता पक्षदथुइ ल्हाः तया ल्वापु !

नेवा: अनलाइन न्युज – ललेन्द्र शाक्य | ने.सं. ११४४ चिल्लागा सप्तमी (२०८० चैत्र १९ गते) सोमवाः

नागरिक उन्मुक्ति पार्टी (नाउपा)या विवाद उत्कर्षय् थ्यंगु दु ।

पार्टी नायः रंजिता श्रेष्ठ चौधरी व रेशम चौधरीदथुया विवादं पार्टी कुचा जुइगु संघारय् थ्यनेधुंकूगु दु । थौं सोमवाः बैठकय् रेशम व रंजिता पक्षदथुइ ल्हाः तयाः हे ल्वापु जूगु दु ।

पार्टी केन्द्रीय ज्याकुथि अनामनगरय् बैठक च्वनाच्वंगु इलय् रेशम व रंजिता पक्षदथुइ ल्हाः तया हे ल्वापु जूगु खः ।

रंजिता सरकारय् सहभागी जुइमाःगु पक्षय् दूगु खःसा रेशम पक्षं प्रतिपक्षय् च्वनेमाःगु अडान काःगु खः ।

वहे झ्वलय् टिकापुरया मेयर रामलाल डगौरा व नेता रमेश विकयात हातपात जूगु खः । इपिं निम्ह रंजिता पक्षधरयापिं खः ।

Categorized in राजनीति