kmc bidya

नागढुंगाय् स्वास्थ्यकःमियात दुर्व्यवहार ः छम्ह गिरफ्तार

नेवा: अनलाइन न्युज – ललेन्द्र शाक्य | २०७७ जेठ ४, आइतबार १३:४६:२८

स्वनिगः दुहाँ वयेगु छगू मू नाका नागढुंगाय् खटेजुयाच्वंम्ह युवा स्वयंसेवी स्वास्थ्यकःमियात दुर्व्यवहार याःगु द्वपनय् गिरफ्तार याःगु दु । गिरफ्तारीइ लाःम्ह चन्द्रागिरीया उत्तम कार्की खः ।

येँ प्रहरी परिसर टेकुया प्रमुख एसएसपी श्यामलाल ज्ञवालीं कार्कीयात गिरफ्तार यानागु पुष्टि याःगु दु । कार्कीविरुद्ध कसूरसम्बन्धी अभियोगयु् कारवाही प्रक्रिया न्ह्यःने वनीगु एसएसपी ज्ञवालीं जानकारी ब्यूगु दु ।

कोरोना संक्रमणया जोखिम नियन्त्रणया नितिं खटेजूगु धासें शुक्रवाः न्हिनय् कार्कीलिसें मेमेपिन्सं प्रदेश ३ या जनस्वास्थ्य प्रयोगशाला निर्देशक डा. नारायण कार्कीयात दुर्व्यवहार याःगु खः ।

इमिसं प्रहरीया हे न्ह्यःने कार्कीया खानतलासी नं याःगु खः । गुकिया प्यख्येंरं विरोध जूगु दु ।

Categorized in दुर्घटना-अपराध