city axpris 2

नांजाम्ह उद्योगपति, भाषासेवी व समाजसेवी शिल्पकार मन्त

नेवा: अनलाइन न्युज | ने.सं. ११४४ सिल्लाथ्व तृतीया

यलया नांजाम्ह समाजसेवी व उद्योगपति मोतिलाल शिल्पकार थौं सोमबार न्हिनसिया १ ता इलय् मेडिसिटी अस्पतालय् उपचारया झ्वलय् मन्त । ताः ई न्ह्यःनिसें दम व निमोनिया ल्वचं कया म्हंमफया च्वम्ह शिल्पकार ८९ दँ दुम्ह खः । म्हंमफया वंगु मंगलबार उगु अस्पतालय् भर्ना जुयादीम्ह वयक धार्मिक, सामाजिक , सांस्कृतिक व समाजसेवा या ख्यलय् तसकं नुगः क्वसाम्ह खः ।

सन्चारख्यःयात अतिकं मतिना यानादीम्ह शिल्पकार ” न्हू प्रेस्टिज नेपाः ” नांयागु नेवाः भायया लयपौया संचालक खः । उकिया नापनापं यलया नेवाः प्रेस दबुपाखें निस्वनातःगु ू मोतिलाल शिल्पकार पत्रकारिता सिरपा ” या संस्थापक व दाता नं खः । आपालं संघसंस्थालिसे स्वापु दुम्ह शिल्पकार नेपालभाषा मंका खलः यलया मानार्थ दुजः खःसा यलया मतया व्यवस्थापनलिसे नं स्वापु दुम्ह खः । वयक छम्ह कुशल वाद्य गुरु नं खः ।

वयक अग्रज बौध्द उपासक, बरिष्ठ समाजसेवी , दाता व बहुआयामिक ब्यक्तिका धनीम्ह व्यम्तित्व बौद्ध धर्म प्रचारया निंतिं थीथी कथं पलाः न्ह्यानावया च्वम्ह खःसा बौद्ध परियत्ति शिक्षाया प्रचार व विकासया निंतिं सदां न्ह्यचिला वया च्वनादीम्ह शिल्पकारया काष्ठकला सम्बन्धि तधंगु कारखाना उड कार्भिंग इण्डष्ट्रिजया प्रबन्ध निर्देशक खः । वयकयात आः वयकया मानभवनय् च्वंगु छेँय् तयातःगु दुसाः अन बौद्ध धार्मिक पाठ धुंका कन्हे मंगलबार यलया शंखमुलया दिपय् अन्तिम् संस्कार याइगु खँ दु ।

Categorized in नेवाः