नांजाःम्ह कलाकार पल्पसा डंगोेल ‘चम्सुरी’ अस्पताल भर्ना
नेवा: अनलाइन न्युज – विजयरत्न | २०७८ श्रावण ३, आइतबार २०:४८:२२
किपूया पांगाया बासिन्दा नेपाःया फिल्म ख्यलय् चम्सुरी धकाः नांजाःम्ह अले नेपालभासा संकिपाः ख्यःया नं लोकंह्वाःम्ह कलाकार लिसें नेपाःन्यंक हे लोकं ह्वाःम्ह कलाकार पल्पसा डंगोलयात जँलास्येँ समस्या वयाः अस्पताल भर्ना याना वासः याकातःगु दु ।
पल्पसा डंगोलया तःधिकःम्ह म्ह्याय् लूनिभाः डंगोलं जानकारी बिउ कथं पल्पसा डंगोलया किड्नी सम्बन्धी ल्वय् न्हापां निसें जुयाच्वंगु व नयेत्वनेगुलि तसकं हे ध्यान तयाच्वंगु खः । तर नं आकाझाकां किड्नी समस्याः वया अस्पताल हे भर्ना यायेमाःगु खः ।
पल्पसा डंगोल ताः इ न्ह्यःनिसें मनोरंजन क्षेत्रय् संलग्न जुयाच्वंनादीगु खःसा वयकलं काठमाडौं – ए मिरर इन द स्काइ नांयागु स्पेनीस फिल्म व मसान नांयागु चर्चित खस नेपाली फिल्म नं म्हितादीगु दुसाः वयकया बुद्धकालीन एतिहासिक सँकिपा घोषक पिदनेत तयार जुइधुंकुगु दु । वय्कलं मेगु बुद्धकालीन संकिपा ‘चाण्डालिका’य् नं अभिनय यानादीगु दुसा आपालं नेपालभाषाया संकिपालिसें म्यूजिक भिडियोय् नं म्हितादीगु दु ।
अथेहे, कलाकार पल्पसा डंगोल नेपाल टेलिभिजनया लोकंह्वाःगु टेलिसिरियल ‘मेरी बास्सै’पाखें चम्सुरी नामं लोकंह्वाःगु खः ।
आः कलाकार डंगोलयात टिचिंग अस्पतालय् ३०५ नम्बरया बेडय् भर्ना याना वासः यानातःगु दुसाः वयकःया निगलं किड्नीं ज्या मयागुलिं हिले हे माःगु अवस्था दु । वय्कःया उसाँय् याकनं ताःलायेमा धकाः कामना याना ।
Categorized in कला