zero media family planning adv

नांगां ब्याहा !

२०७४ जेठ २५, बिहिबार ०९:००:५३

ब्याहायात लुमंकेबहःगु क्षण यायेगु नितिं मनूतसें थीथी उपाय छ्यलीगु न्हूगु खँ मखु । गुलिखे मनूतसें जीवंकाःछि कमे यानातःगु वहे ब्याहालय् खर्च यायेत तयार जुइ ।

ब्याहायात लुमंकेबहःगु क्षण यायेत दक्वदाक्वया खर्च यानाः दुनियाँयात क्यनेग थुज्वःगु चलन सायद पुलां जुइधुंकल ।

आः ब्याहालय् ब्याहा याइपिं मिजं व मिसां थिकेगु तिसाज्वलं व वसः पुनीगु मखु कि नांगां च्वनाः ब्याहा यायेगु चलन न्ह्याये धुंकूगु दु ।

आः नकतिनि जक छगू थुज्वःगु ब्याहा क्वचाःगु दु कि गन ब्याहा याइपिं मिजं मिसा जक मखु मुक्कं जन्ती वःपिं हे नांगां हे वःगु खः ।

थुज्वःगु ब्याहा न्युजिल्याण्डय् जूगु खः । ब्याहा समारोहस ब्याहा याःपिं मिजं व मिसां थःथःपिं अभिभावकपिन्त नं सःतूगु खः । तर फुक्क नांगां हे वयेमाः धासेलिं मछालाः ब्याहा याःपिनि मां अबु व छेँजःपिं उगु ब्याहालय् मवंगु खः ।

ब्याहालय् तयार यानातःगु केकय् दयेकातःगु किपा नं न्यूड हे खः । छेँजःपिनिगु पलेसा ब्याहा याःपिं पासापिं ब्याहालय् सहभागी जुल नांगां जुयाः । सुथनिसें बहनीतक न्ह्याःगु उगु ब्याहा समारोहस सहभागी फुक्क नांगां हे जुयावःगु खःसा अतिकं न्ह्याइपुकाः ब्याहा क्वचायेकूगु खः ।