2565 buddha Jayanti ADV

नक्कली स्यानिटाइजर उत्पादन व म्यूम्ह आशिष प्याकुरेल प्रहरीया फन्दाय्

नेवा: अनलाइन न्युज – ललेन्द्र शाक्य | २०७८ जेठ १०, सोमबार १४:४०:१६

गुणतरहीन ह्याण्ड स्यानिटाइजर उत्पादन व म्यूगु अभियोगय् सर्जिकल हाउसया संचालकयात प्रहरीं गिरफ्तार याःगु दु । 

गुणस्तरहीन ह्याण्ड स्यानिटाइजर उत्पादन व म्यूगु अभियोगय् यल महालक्ष्मी च्वनीम्ह सुनसरी रामधुनी नगरपालिका १ या लाईफ लाइन सर्जिकल हाउसया संचालक २६ दँया आशिष प्याकुरेलयात प्रहरीं ज्वंगु खः ।

कोभिड १९ या हुनिं ब्वलंगु विषम् परिस्थ्तििया लबः कों सकल नागरिकया स्वास्थ्यय् प्रतिकूल लिच्वः लाइगु ‘७५५ ह्याण्ड स्यानिटाइजर’ बजारय् खुल्लेआम मिइगु ज्या जुयाच्वंगुलिं उज्वःगु स्यानिटाइजरया गुणस्तर जाँचया नितिं वासः व्यवस्थापन विभागया प्रयोगशालाय् परीक्षणया नितिं छ्वःगुलि उगु स्यानिटाइजरय् मिथानोल रसायन २४५ लुयावःगु खः । स्यानिटाइजरय् छ्यलातःगु रसायनं मानव स्वास्थ्यय् घातक लिच्वः लाकीगुलिं तत्काल उगु उत्पादनयात नियन्त्रण यायेमाःगु आवश्यक जूगु धासें वासः व्यवस्थापन विभागं परीक्षण रिपोर्ट वयेखतं महानगरीय अपराध महाशाखा मिनभवनपाखें खटेजूपिं प्रहरी पुचलं उगु ज्याय् दुथ्याःम्ह प्याकुरेलयात ज्वंगु खः ।

आशिषं शितलहाईटय् छेँ बालं कयाः वासः व्यवस्थापन विभागय् दर्ता मयाःसे ‘रिप्याक्ट बाई आरसीबी ईण्डस्ट्रिज पर्सा’, नेपाल न्ह्यथनातःगु नक्कली स्टिकर छ्यलाः स्यानिटाइजर तयारी व प्याकिङ यानाः मिइगु ज्या यानाच्वंगु थासं थ्यंमथ्यं २५ हजार लिटर नक्कली स्यानिटाइजर, २ हजार लिटर मिथानोल रसायन, ३ हजार ६ सय लिटर मेगु रसायन, थीथी स्टिकरत व त्रिपुरेश्वरय् च्वंगु लाईफ लाईन सर्जिकल सप्लायर्सपाखें थ्यंमथ्यं ५ हजार लिटर स्यानिटाइजर प्रहरीं बरामद याःगु दु ।

बरामद जूगु स्यानिटाइजरया बजाः मू थ्यंमथ्यं १ करोड ८० लख तका दां मू बराबरया जूगु दु । उगु सर्जिकल हाउस वासः व्यवस्थापन विभाग व जिल्ला प्रशासन ज्याकुथि यलया रोहवरय् शिल याःगु लिसें बजारय् मिइके मबिइकेत प्रहरी सम्बन्धित निकायतलिसे माःगु समन्वय यानाच्वंगु जानकारी ब्यूगु दु ।

आशिष प्याकुरेलयात कालोबजारी व छुं मेगु सामाजिक अपराध ऐन, २०३२ अन्तर्गत कारवाहीया नितिं महानगरीय प्रहरी परिसर यल छ्वःगु महाशाखां जानकारी ब्यूगु दु ।

Categorized in बजाः