zero media family planning adv

धरहराय् आः पार्किङ दयेकेगुः वडाध्यक्ष महर्जन (टेलिफोन वार्ता)

येँ महानगरपालिका २२ वडाय् लाःगु ऐतिहासिक सम्पदा धरहरा जःखः थीथी व्यवसाय यायेगु आज्जुं दयेकातःगु पसःक्वः, तहरा, फुटपाथ व होटल शनिवाः बहनीनिसें येँ महानगरपालिकां डोजर हयाः चीकूगु दु ।

धरहरा संरक्षण यायेगु नितिं छगू नीजि कम्पनीयात थ्वया न्ह्यः भालाः बियातःगु खःसा उगु कम्पनीं धरहराया जःखः थः यस्सें आर्थिक आर्जन यायेगु आज्जु तयाः थथे पसःक्वः दयेकातःगु तःदँ न्ह्यःनिसें स्थानीयबासीपिन्सं द्वपं बियाः वयाच्वंगु खः ।

थ्यंमथ्यं १३ दँ न्ह्यःनिसें नीजि कम्पनीं कयातःगु उगु थाय्यात महानगरपालिकां कानूनी कथं चीकेगु ज्या याःगु दु ।

धरहराया जःखः थथे पसःक्वः चीकेधुंकाः आः उगु थासय् छु गुज्वःगु  लकस दयेकेत्यंगु खः, थ्व सम्बन्धय् येँ २२ वडाया वडाध्यक्ष चिनिकाजी महर्जनं आः उगु लागाय् विदेशी व स्वदेशी नागरिकपिनिगु नितिं सुव्यवस्थित पार्किङ दयेकेगु जानकारी बियादीगु दु ।

थ्व सम्बन्धय् वय्कःलिसे नेवाः अनलाइन न्यूजया सम्पादक ललेन्द्र शाक्यं यानादीगु खँल्हाबल्हा थन क्लीक यानाः न्यनादिसँ ।