nepal investment baink

धम्मावती गुरुमांयात ताइवान भिक्षु ध्यान केन्द्रपाखें हन

नेवा: अनलाइन न्युज – ललेन्द्र शाक्य | ने.सं. ११४४ चिल्लाथ्व पुन्हिं (२०८०चैत्र १२) सोमवाः

धर्मकीर्ति विहारया अतिकं हनेबहःम्ह श्रद्धेय धम्मावती गुरुमांयात थौं सोमवाः धर्मकीर्ति विहारय् जूगु छगू विशेष ज्याझ्वलय् ताइवान भिक्षणी ध्यान केन्द्रया  ताइवानी भिक्षुणीपिन्सं हंगु दु ।

छुं दिं न्ह्यः ताइवानय् अन्तर्राष्ट्रिय रुपं थीथी देय्या गुरुमांपिन्त हनेगु झ्वलय् नेपाःपाखें धम्मावती गुरुमां व खामेसी गुरुमांयात हनेगु निर्णय याःगु खः ।

स्वास्थ्यया हुनिं धम्मावती गुरुमां ताइवान बिज्याये मफूगुलिं थौं थथे ताइवानं बिज्याःपिं गुरुमांपिन्सं हंगु खः ।

अथेहे, मोतिदेवी स्मृति केन्द्रपाखें नं थौं हे श्रद्धेय धम्मावती गुरुमांयात हंगु दु । केन्द्रया नायः लिसें पूर्वमन्त्री अष्टलक्ष्मी शाक्यं थथे धर्मकीर्ति विहारय् थौं जूगु ज्याझ्वलय् थथे हंगु खः ।

छुं दिं न्ह्यः मोतिदेवी स्मृति केन्द्रं नेपाःया झिम्ह मिसापिन्त हनेगु झ्वलय् धम्मावती गुरुमांयात नं हनेगु निर्णय याःगु खः ।

Categorized in राष्ट्रिय