zero media family planning adv

धम्मवती गुरुमां व वसपोलया चेली गुरुमांपिं

नेवा: अनलाइन न्युज | २०७७ आषाढ २१, आइतबार १०:०१:०७

– द्रव्यमान सिं तुलाधर

धम्मवती गुरुमां धैम्ह गन जन्म जूम्ह, गुगु देशय् गज्याःगु दुःखसियाः गथे यानाः बर्माय् बिज्यानाः बुद्ध धर्मया ज्ञान गुण सीकेत गुलि वर्षतक्क अध्ययन याना बिज्यात, अले वसपोलयात बर्मा सरकारपाखें “अग्गमहासद्धम्म जोतिकधज” उपाधिं छाय्पिना बिज्यात व जिं थन धयाच्वने माःगु नं मताया । बुद्ध धर्मय् जुयाच्वंपिं सुं व्यक्तिं मस्यूगु ख“ मखु ।

धम्मवती गुरुमं बर्मा अध्ययन यानाः लिहां बिज्यानाः बुद्ध धर्म प्रचारप्रसार याये निंतिं धर्मकीर्ति विहार नीस्वनाः उपासक उपासिकापिं यक्वसित धर्मदेशना याना बिज्यात ।

वसपोलया अथक प्रयासं थौं वसपोलया चेली गुरुमांपिं यक्व दयेधुंकल । चेलिपिं मध्ये ६ गू शाखा विहारय् प्रमुख गुरुमांपिन्त विहार सञ्चालन याका बिज्यानाच्वंगु जुल । गुगु शाखाविहार थथे जुल ः– पद्मकीर्ति विहार प्रमुख कमला गुरुमां, सुलक्षणकीर्ति विहारय् अनोजा गुरुमां, विश्वशान्ति धर्मकीर्ति विहार ९बसुन्धरा०य् प्रमखु कुशुम गुरुमां, निर्वाण मूर्ति विहार किण्डोलय् प्रमुख धम्मविजया गुरुमां, गौत्तमी विहार लुम्बिनीइ प्रमुख खमेसी गुरुमां, शाक्यमुनि कीर्तिविहार सतुंगलय् प्रमुख पुञ्ञवती गुरुमां । थौं सक्रियरूपं सञ्चालन जुयाच्वंगु थुपिं थेरवादी विहार दयेकेत व शुरुइ सञ्चालन यायेत धम्मवती गुरुमां नं माक्को ग्वाहालि याना बिज्याःगु खः । आः विहार प्रमुख जुयाच्वंपिं गुरुमांपिं धम्मवती गुरुमांया हे चेलीपिं खः ।

आः वसपोलया चेली गुरुमांपिं सकलें च्वय् न्ह्यथनापिं गुरुमांपिं छम्ह थे छम्ह योग्य, क्षमतावान व सक्रिय जुयाः व व विहारया इलाकाय् नापं मेथाय् नं यक्व हे बुद्ध धर्म प्रचार याना बिज्यानाच्वंगु जुल । वसपोलपिन्त मदिक्क सुझाव व निर्देशन धम्मवती गुरुमां नं बिया च्वना बिज्याःगु खः । धर्मकीर्ति विहारया शाखा विहार धकाः वैधानिक कथं दस्तावेज मदुसां कार्यान्वयन उकथं हे न्ह्यानाच्वंगु खत ।

थौं येँय्, लुम्बिनीइ तकं थुपिं विहारपाखें धर्मप्रचार जुयाच्वंगु नं धम्मवती गुरुमांया छगू उल्लेखनीय योगदान खः । धम्मवती गुरुमां नं स्यना कनाः प्रेरणा बिबिउ“ क्षमतावान जुयाः थौं बुद्ध शासनयात आपालं टेवा बिया च्वनाबिज्याःपिं च्वय् न्ह्यथनापिं धम्मवती गुरुमांया चेली गुरुमांपिनिगु योगदान नं न्ह्यथने बहःगु खँ जुल ।

वर्तमानय् धम्मवती गुरुमांया स्वास्थ्य विषय नं छुं चर्चा याये । झण्डै २ दँ दत गुरुमांयात उजागु रोगं तसकं दुःख व कष्ट जुल । उकिया उपचार यायां आः वया थौंकन्हे स्वास्थ्य एकदम बांलाये धुंकल । प्रवचन नं बी फुगु अवस्था वल । झी सकसिगु प्रार्थना

९आशिका० सार्थक जुयाः थौं गुरुमांया स्वास्थ्य यक्को बांलात । अथे नं आः निरन्तर वासः नयेगु त्वःफिके मज्यूनि । धम्मवती गुरुमांया स्वास्थ्य लाभया निंतिं झीसं फुगुचाःगु प्रयत्न यानावं च्वनेमाःगु जुल ।

( थौं गुरुपुन्हिं धम्मवती गुरुमां ८७ क्यंगु लसताय्  ‘चिरसम्मानित गुरुमां धम्मवती’ पाखें साभार ) 

 

Categorized in बिचा: