nepal investment baink

धन्दा कायेम्वाः, डिलिट जूगु एसएमएस लितहये ज्यू

२०७२ आश्विन ५, मंगलबार ०९:३४:४३

यदि छिं ल्वःमंसें छुं नं महत्वपूर्ण एसएमएस मोबाइलपाखें डिलिट यानादिल धाःसा दिक्क चायेम्वाः अले आत्ते जुइम्वाः । उगु डिलिट जूगु म्यासेज एसएमएस लितहये ज्यू ।
एन्ड्रोइड स्मार्टफोनय् छक्वः डिलिट जूगु एसएमएस लितहये ज्यूगु सुविधा दु । थुकिया शतप्रतिशत ला ग्यारेन्टी मदु । तर कुतः यानाः छुं स्यनी मखु ।
कम्प्युटरय् छुं नं फाइल डिलिट यायेबलय् व छगू ट्रयासय् च्वंवनी । पाय्छि वहे जुइ स्मार्टफोनय् नं । छिसं डिलिट याःगु डाटा चीहाकःगु ईया नितिं फोनदुने हे सुरक्षित जुयाच्वनी । डाटा रिकभरी सफ्टवेयरया प्रयोगपाखें छिं उकियात लितहये फइ । थुकिया नितिं एन्ड्रोइड डाटा रिकभरी, डा. फोनथें जाःगु एपत छितः ज्याख्यलय् जुइ ।
कानूनकथं फुक्क फोन कम्पनीतसें छिगु मोबाइलया म्यासेजत स्टोर यायेमाःगु आवश्यक जुइ । प्रहरी वा छुं नं कानूनी निकायं मागेयाःगु खण्डय् कम्पनीतसें थुज्वःगु जानकारी बिइ हे माः । उकिं छितः मदयेकं मगाःगु छुं नं म्यासेज दुसा उकियात फोन कम्पनीपाखें नं कायेफइ । तर थुकिया नितिं छिं छुं छुं भ्वँत पेश यायेमाली ।
अथेला छिगु फोनया नितिं एसएमएस ब्याकअपया नं छगू एप दु । थुकियात थःगु स्मार्टफोनय् डाउनलोड यानाः छ्यलाबुलाय् नं हयेफु छिसं ।