2565 buddha Jayanti ADV

धनुषाय् पुखुली दुबिनाः न्याम्ह मचात सित

नेवा: अनलाइन न्युज – ललेन्द्र शाक्य | २०७८ जेठ २८, शुक्रबार १६:३०:२९

धनुषाया मुखियापट्टी मुसहरनियाँ गाउँपालिकाय् पुखुली दुबिनाः न्याम्ह मचात सीगु दु ।

शुक्रवाः छेँ लिक्क च्वंगु पुखुली म्वःल्हुइत वंगु इलय् उगु गाउँपालिका ६ या मिसामचात पुखुली दुबिनाः सीगु धनुषाया प्रहरी प्रवक्ता मकेन्द्रकुमार मिश्रं जानकारी ब्यूगु दु ।

मचात पुखुली कुतुंवंगु खबर वयेधुंकाः प्रहरीया पुचः घटनास्थलय् थ्यंकूगु खः । घटनास्थल थ्यंकूम्ह प्रहरी प्रवक्ता मिश्रं धाःगु दु, ‘आःतक न्याम्ह मचातय्गु सीम्ह पुखुलिं लिकायेधुनागु दु । पुखुली मेपिं मालेगु ज्या जुयाच्वंगु दु ।’

मचात म्हितुं म्हितुं पुखुली थ्यंकूगु धाःगु दु । सीपिं मचातय्गु उमेर झिदँ निसें झिंनिदँयापिं खः व इमिगु नां सीमदुनि ।

Categorized in दुर्घटना-अपराध