zero media family planning adv

धनगढीया कोभिड अस्पतालय् वासः याकाच्वंपिं प्यम्ह संक्रमित सित

नेवा: अनलाइन न्युज – ललेन्द्र शाक्य | २०७८ बैशाख २१, मंगलबार ०९:४०:२३

धनगढीया कोभिड अस्थायी अस्पतालय् वासः याकाच्वंपिं प्यम्ह कोरोना संक्रमितपिं सीगु दु । अस्पतालय् वासः याकाच्वंपिं कैलाली, कञ्चनपुर, बझाङ व बर्दियाया छम्ह छम्ह मनूत सीगु जिल्ला प्रशासन ज्याकुथि कैलालीं जानकारी ब्यूगु दु ।

जिल्ला प्रशासन ज्याकुथिया सुचं अधिकारी शिवराज जोशीं धनगढी उपमहानगरपालिका ७ या ७७ दँया संक्रमित मिसा मंगलवाः सुथय् सीगु जानकारी ब्यूगु दु । बैशाख १२ गते कोरोना संक्रमण पुष्टि जुइधुंकाः अस्पताल भर्ना जूम्ह उम्ह मिसा वासः यायेगु झ्वलय् सीगु जोशीं धाःगु दु ।

कोभडि अस्थायी अस्पतालय् हे वासः याकाच्वंपिं कञ्चनपुरया भीमदत्त नगरपालिका १२ या ७१ दँया मिजं, बझाङया २६ दँया मिजं व बर्दियाया उतानपुर गाउँपालिका २ या ३० दँ मिजं नं सीगु जोशीं जानकारी ब्यूगु दु ।

Categorized in राष्ट्रिय